Atn funtzioa

Zenbakizko adierazpenaren arku tangentea itzultzen duen funtzio trigonometrikoa. Itzulera-balioa -Pi/2 eta +Pi/2 bitartekoa da.

Arku tangentea tangente funtzioaren alderantzizkoa da. Atn funtzioak "Alfa" angelua itzultzen du radianetan, eta horretarako angelu horren tangentea erabiltzen du. "Alfa" angelua itzultzeko, funtzioak, angeluzuzen batean, angeluaren aurkako aldearen luzeraren eta angeluaren alboko aldearen luzeraren arteko proportzioa ere konpara dezake.

Atn(angeluaren aurkako aldea/angeluaren alboko aldea)= Alfa

Sintaxia:


        Atn (Zenbakia)
    

Itzulera-balioa:

Double

Parametroak:

Zenbakia: triangelu angeluzuzen baten bi aldeen arteko proportzioa adierazten duen zenbakizko adierazpena. Atn funtzioak dagokion angelua radianetan itzultzen du (arku tangentea).

Radianak gradu bihurtzeko, egin radianak bider 180/pi.

graduak=(radianak*180)/pi

radianak=(graduak*pi)/180

Pi hemen zirkuluaren konstante finkoa da, 3.14159 balio biribildua duena. Pi Basic konstante matematiko bat da.

Errore-kodeak:

5 Prozedura-deia ez baliozkoa

Adibidea:


        ' Ondorengo adibidean triangelu angeluzuzen baten Alfa angelua
        ' Alfa angeluaren tangentetik kalkulatzen da:
        Sub ExampleAtn
        ' Pi biribildua = 3,14159 aurrez definitutako konstantea da
        Dim d1 As Double
        Dim d2 As Double
            d1 = InputBox("Sartu angeluaren alboko aldearen luzera: ","Albokoa")
            d2 = InputBox("Sartu angeluaren aurkako aldearen luzera: ","Aurkakoa")
            Print "Alfa angelua:"; (atn (d2/d1) * 180 / Pi); " gradu"
        End Sub
    

Emaguzu laguntza!