DateSerial funtzioa

Urte, hil eta egun jakin baten Date balioa itzultzen du.

Sintaxia:


DateSerial (urtea, hilabetea, eguna)

Itzulera-balioa:

Data

Parametroak:

Urtea: Urtea adierazten duen osoko adierazpena. 0 eta 99 bitarteko balio guztiak 1900-1999 urtetzat hartzen dira. Barruti horretatik kanpoko urteentzat, lau digituak sartu behar dituzu.

Hilabetea: Zehaztutako urtearen hilabetea adierazten duen osoko adierazpena. 1etik 12ra bitarteko barrutia onartzen da.

Eguna: Zehaztutako hilabeteko eguna adierazten duen osoko zenbakia. Onartutako tartea 1-31 artekoa da. Ez da errorerik itzuliko 31 egun baino gutxiagoko hilabete batean existitzen ez den egun bat idatziz gero.

DateSerial funtzioak 1899ko abenduaren 30a eta emandako dataren arteko egun kopurua itzultzen du. Funtzio hau bi dataren arteko aldea kalkulatzeko erabil dezakezu.

DateSerial funtzioak Variant datu mota VarType 7-rekin (Date) itzultzen du. Barne funtzionamenduan, balio hori balio bikoitz gisa gordetzen da. Hala, 1.1.1900 data sartzean, 2 balioa itzultzen da. Balio negatiboak 1899ko abenduaren 30 (data hori ez) baino lehenagoko datei dagozkie.

Onartutako barrutitik kanpo dagoen data bat ezartzen bada, LibreOffice Basic-ek errore-mezua itzuliko du.

DateValue funtzioa data duen kate gisa definitzen baduzu, DateSerial funtzioak aparteko zenbakizko adierazpen gisa ebaluatuko ditu parametroak (urtea, hilabetea, eguna).

Errore-kodeak:

5 Prozedura-deia ez baliozkoa

Adibidea:


  Sub ExampleDateSerial
  Dim lDate As Long
  Dim sDate As String
      lDate = DateSerial(1964, 4, 9)
      sDate = DateSerial(1964, 4, 9)
      msgbox lData ' 23476 itzultzen du
      msgbox sData ' 04/09/1964 itzultzen du
  End Sub

Emaguzu laguntza!