Input# instrukzioa

Irekitako fitxategi sekuentzialeko datuak irakurtzen ditu.

Input #fileNum {,|;} var1 [, var2 [, ...]]

fileNum: Irakurri nahi diren datuak dituen fitxategiaren zenbakia. Fitxzategia Open instrukzioarekin ireki behar da, INPUT gako-hitza erabilita.

var: Zenbakizko edo testuzko aldagai bat, irekitako fitxategiaren balioak horri esleituko zaizkio.

Input# instrukzioak zenbakizko balioak edo kateak irakurtzen ditu irekitako fitxategi batetik, eta aldagai bati edo gehiagori datuak esleitzen dizkio. Zenbakizko aldagaiak lehen orga-itzuleraraino (Asc=13), lerro-jauziraino (Asc=10), zuriuneraino edo komaraino irakurtzen dira. Kate-aldagaiak lehen orga-itzuleraraino (Asc=13), lerro-jauziraino (Asc=10) edo komaraino irakurtzen dira.

Irekitako fitxategiko datuak eta datu motak "alda" parametrora pasatako aldagaien ordena berdinean agertu behar dira. Zenbakizko aldagai bati ez-zenbakizko balioak esleitzen badizkiozu, "alda" parametroari "0" balioa esleituko zaio.

Komaz bereizitako erregistroak ezin zaizkie kate-aldagaiei esleitu. Fitxategiko komatxoak (") ere ez dira kontuan hartzen. Karaktere horiek fitxategitik irakurri nahi baldin badituzu, erabili Line Input# instrukzioa testu-fitxategi soilak (karaktere inprimagarriak bakarrik dituzten fitxategiak) lerroz lerro irakurtzeko.

Datu-elementu bat irakurtzean fitxategiaren amaierara helduz gero, errorea gertatzen da eta prozesua abortatu egingo da.

Sub ExampleWorkWithAFile
    Dim iCount As Integer, sFileName As String
    Dim sName As String, sValue As Integer
    sFileName = "C:\Users\ThisUser\data.txt"
    iCount = Freefile
    ' Idatzi datuak (gero Input bitartez irakurriko direnak) fitxategi batean
    Open sFileName For Output As iCount
    sName = "Hamburg" : sValue = 200
    Write #iCount, sName, sValue
    sName = "New York" : sValue = 300
    Write #iCount; sName, sValue
    sName = "Miami" : sValue = 459
    Write #iCount, sName, sValue
    Close #iCount
    ' Irakurri datu-fitxategi bat Input bitartez
    iCount = Freefile
    Open sFileName For Input As iCount
    Input #iCount, sName, sValue
    MsgBox sName & " " & sValue
    Input #iCount; sName, sValue
    MsgBox sName & " " & sValue
    Input #iCount, sName, sValue
    MsgBox sName & " " & sValue
    Close #iCount
End Sub