Python scriptak sortzea ScriptForge bidez

Basic eta Python arteko desberdintasunak

ScriptForge liburutegia Basic zein Python lehgoaietarako dago erabilgarri. Zerbitzu, metodo eta propietate gehienek berdin funtzionatzen dute bietan. Hala ere, lengoaia bakoitzak nola funtzionatzen duen desberdina izanda, ScriptForge erabiltzaileek liburutegiaren zenbait ezaugarri kontuan izan beharko dituzte Python erabiltzean:

tip

Begiratu LibreOffice Python scripten laguntza Python scriptek LibreOffice nola erabiltzen duten hobeto ezagutzeko.


Python scriptak exekutatzea LibreOffice aplikazioan

Lortu nahi denaren arabera, Python scriptak LibreOffice aplikazioan erabiltzeko modu desberdinak daude:

tip

Scriptak LibreOffice prozesuaren barruan exekutatuko badira, gomendagarria da APSO (Alternative Script Organizer for Python) hedapena instalatzea. Python scriptak LibreOffice kanpoan garatu nahi badira, hala ere, nahi den Python IDEa aukeratu daiteke.


Scriptak LibreOffice prozesu barrutik exekutatzea

APSO hedapena erabiltzea

LibreOffice barruan Python erabiltzen hasteko biderik errazena APSO hedapen instalatzea da. Hura instalatu ondoren, ireki edozein LibreOffice osagai eta joan Tresnak - Makroak - Antolatu Python scriptak aukerara.

APSOren leiho nagusian, joan Menua - Python kontsola aukerara.

tip

APSO irekitzeko beste modu bat Alt + ⇧ + F11 lasterbidea erabiltzea da.


Orain, Python komandoak idazten hasi daiteke eta shell-ak komando bakoitzari dagokion irteera inprimatuko du kode-lerro bakoitza exekutatu ondoren.

ScriptForge liburutegia erabiltzen hasteko, lehenengo CreateScriptService metodoa inportatu behar da. Horren bidez, liburutegiak eskaintzen dituen zerbitzuak atzitu daitezke. Beheko adibideak Basic zerbitzua darabil mezu-koadro bat bistaratzeko.


    from scriptforge import CreateScriptService
    bas = CreateScriptService("Basic")
    bas.MsgBox("Hello!")
  

Goiko adibidea exekutatzeko, sartu lerro bakoitza Python kontsolan, banan-banan, kode-lerro bakoitza idatzi ondoren ⏎ tekla sakatuta.

Orain, Python komandoak exekutatzen hasi zaitezke ScriptForge zerbitzuak erabilita. Adibidez, beheko kode-zatiak UI zerbitzua darabil Writer dokumentu hutsa sortzeko.


    ui = CreateScriptService("UI")
    doc = ui.CreateDocument("Writer")
  

Python script-fitxategiak sortzea

Python fitxategi propioak sortu eta editatu ditzakezu testu-editore bat erabilita. Ondoren, edozein LibreOffice osagaitik deitu ahal izango dituzu.

Lehen urratsa da jakitea non gordetzen diren erabiltzaile-scriptak. Horretarako, begiratu Python scripten antolaketa eta kokalekua laguntza-orria.

Orain, testu-fitxategi bat sortu dezakezu zure Python erabiltzaile-scripten karpetan, adibidez sf_test.py, eta scripta idazten hasi.

Behean, Calc gelaxka baten zenbakizko balioa eskuratzen duen eta 1 gehitzen dion adibideko script sotil bat dago. Idatzi kode hori sf_test.py fitxategian.


    from scriptforge import CreateScriptService
    doc = CreateScriptService("Calc")
    
    def increment_cell(args=None):
        value = doc.GetValue("A1")
        value += 1
        doc.SetValue("A1", value)
    
    g_exportedScripts = (increment_cell, )
  

Adibide horrek increment_cell funtzioa sortzen du. Kontuan izan g_exportedScripts tupla bat dela eta LibreOffice aplikazioan erabiltzaile-script modura bistaratuko diren funtzioak adierazten dituela.

Script hau Calc dokumentu baten barrutik exekutatzeko:

  1. Sortu edo ireki Calc fitxategi bat.

  2. Sartu zenbaki bat uneko orriko "A1" gelaxkan.

  3. Joan Tresnak - Makroak - Exekutatu makroak aukerara.

  4. Aukeratu 'Nire makroak - sf_test' liburutegi-hautatzailean. Ondoren, aukeratu Makroaren izena zerrendan ageri den increment_cell funtzioa.

  5. Sakatu Exekutatu. Begiratu nola "A1" gelaxkako balioari 1 gehitu zaion.

APSO ere erabili daiteke Python scriptak antzera exekutatzeko:

  1. Lehenengo, ireki APSO Tresnak - Makroak - Antolatu Python scriptak erabilita.

  2. Makroen zerrendan, joan Nire makroak - sf_test - increment_cell aukerara.

  3. Sakatu Exekutatu.

Scriptak LibreOffice prozesutik bereizita exekutatzea

Instalazioaren bide-izena zehaztea

Scriptak prozesu bereizi batetik exekutatzeko lehen urratsa LibreOffice zein karpetatan dagoen instalatuta aurkitzea da. Hori egiteko modu bat baino gehiago dago, baina ScriptForge liburutegiak zure instalazioaren bide-izena identifikatzeko modu azkarra eskaintzen du. Ireki APSOren Python kontsola eta idatzi:


    from scriptforge import CreateScriptService
    fs = CreateScriptService("FileSystem")
    fs.FileNaming = "SYS"
    inst_dir = fs.InstallFolder
    print(inst_dir)
  

Goiko kodearen irteera LibreOffice instalatuta dagoen oinarri-direktorioa da. Orain, "program" azpikarpeta emaitza gisa lortutako bide-izen horri gehitu behar zaio. Hori da Python scriptak prozesu bereizi batetik exekutatzeko erabili behar den oinarri-karpeta.

Adibidez, demagun /usr/lib/libreoffice/ eskuratu dela goiko Python kodea exekutatu ondoren. Kasu horretan, /usr/lib/libreoffice/program erabili beharko da Python scriptak exekutatzeko bide-izen gisa.

Abiarazi LibreOffice socket-ezarpenekin

Python scriptak prozesu bereizi batetik exekutatzeko, LibreOffice zenbait aukera gehigarrirekin abiarazi behar da, kanpoko prozesuak LibreOffice osagai-prozesuarekin komunikatzeko erabiliko dituen ostalari-izena eta ataka zehazteko.

Ireki sistema eragilearen komando-gonbita, joan LibreOffice instalazio-direktorioaren programa-karpetara eta idatzi:

./soffice --accept='socket,host=localhost,port=2021;urp;'

Goiko komandoak LibreOffice komunikazio-kanal bat irekita duela abiaraziko du, beste prozesu batzuk harekin mezuak trukatu ahal izan ditzaten.

Kontuan izan aurreko adibidean LibreOffice hasiera-zentroa irekiko dela. Osagai jakin bat ireki nahi izanez gero, adibidez Writer, '--writer' bandera gehitu behar zaio komandoari, honela:

./soffice --writer --accept='socket,host=localhost,port=2021;urp;'

Gogoratu host eta port parametroak, adibide honetan localhost eta 2021 direnak, hurrenez hurren.

Kanpoko Python kontsola bat exekutatzea

Abiarazi Python kontsola zure LibreOffice instalazioaren bide-izenean dagoen program karpetatik. Jarraitu goiko urratsak zure instalazioaren bide-izena aurkitzeko.

Linux / Mac OS sistemetan:

$ cd /usr/lib/libreoffice/program

$ python

Windows sisteman:

$ cd C:\Program Files\LibreOffice\program\

$ python.exe

Horrek Python kontsola irekiko du, LibreOffice aplikazioak exekutatuko dituen komandoak idazten hasi ahal izateko. Hala ere, hori baino lehen socket-konexioa konfiguratu behar da.


    from scriptforge import ScriptForge, CreateScriptService
    ScriptForge(hostname='localhost', port=2021)
  

Goiko kodearen bigarren lerroak host eta port ezarpenak definitzen ditu, Python kontsola socket-ezarpen berekin ireki den LibreOffice prozesuarekin komunikatu ahal dadin.

Orain beste Python komando batzuk exekutatu ahal dituzu, eta horiek LibreOffice prozesuarekin komunikatu ahal izango dira. Adibidez:


    ui = CreateScriptService("UI")
    bas = CreateScriptService("Basic")
    doc = ui.OpenDocument("~/Documents/myFile.ods")
    bas.MsgBox(doc.DocumentType)
  

Emaguzu laguntza!