SFDocuments.Chart zerbitzua

Chart zerbitzuak Calc dokumentuetako diagramak maneiatzeko propietate eta metodoen multzo bat eskaintzen du. Zerbitzu honekin honakoak egin daitezke:

• Calc dokumentuetako diagrama-objektuak atzitzea eta haien propietateak moldatzea.

• Calc dokumentu batean diagrama berriak sortu eta txertatzea.

• Diagramak irudi-fitxategi gisa esportatzea.

Diagrama-izenak

Diagramek bi izen desberdin izan ditzakete:

• Diagrama-objektua sortzen denean LibreOffice aplikazioak ematen dion barneko izen bat (normalean "Object1", "Object2" eta abar).

• Erabiltzaileak definitutako izen bat, diagraman eskuineko klik egin eta laster-menuko Izena aukeratuta definitu daitekeena.

Chart zerbitzuak erabiltzaileak definitutako izena erabiltzen du diagrama-objektu bat atzitzeko. Izen hori ez badago, barneko izena erabiliko da.

Zerbitzuari deitzea

Chart zerbitzua erabiltzeko, ScriptForge liburutegia kargatu edo inportatu behar da lehenago:

• Basic makroak erabiltzkeo, ScriptForge liburutegia kargatu behar da honako instrukzioa erabiliz:
GlobalScope.BasicLibraries.loadLibrary("ScriptForge")

• Python scriptak erabiltzeko, berriz, scriptforge modulu baten inportazioa behar dute:
from scriptforge import CreateScriptService

Chart zerbitzuaren instantzia Calc zerbitzu-instantzia batetik abiatuta sortzen da, Charts edo CreateChart metodoetako bat erabilita.

Beheko adibideak Chart zerbitzuaren instantzia bat sortzen du uneko Calc dokumentuan dagoen diagrama batetik:

    GlobalScope.BasicLibraries.LoadLibrary("ScriptForge")
    Dim oDoc as Object, oChart as Object
    Set oDoc = CreateScriptService("Calc")
    Set oChart = oDoc.Charts("Sheet1", "Object 1")
  

Hurrengo adibidean, "Sheet1.A1:C10" barrutian dauden datuetan oinarritutako diagrama-objektu bat sortzen da Chart zerbitzuaren instantzia bat sortzeko.

    Dim oDoc as Object, oChart as Object
    Set oDoc = CreateScriptService("Calc")
    Set oChart = oDoc.CreateChart("My Chart", "Sheet1", "Sheet1.A1:C10")
  

Irakurri CreateChart metodoaren deskribapena bere argumentuak hobeto ezagutzeko.

Goiko adibidea honela idatzi daiteke Python lengoaian:

    from scriptforge import CreateScriptService
    doc = CreateScriptService("Calc")
    chart = doc.Charts("Sheet1", "Object 1")
  

    doc = CreateScriptService("Calc")
    chart = doc.CreateChart("My Chart", "Sheet1", "Sheet1.A1:C10")
  

Propietateak

Diagrama bat sortzea

Demagun "Report" izeneko orri bateko "A1:B6" barrutian beheko datuak ditugula.

Beheko adibideek, Basic eta Python lengoaietakoak, datu horietatik abiatuz legendak dituen marra-diagrama bat sortzen dute.

    oDoc = CreateScriptService("Calc")
    oChart = oDoc.CreateChart("Samples", "Report", "Report.A1:B6")
    oChart.ChartType = "Line"
    oChart.Legend = True
    oChart.Resize(1000, 1000, 25000, 15000)
  

    doc = CreateScriptService("Calc")
    chart = doc.CreateChart("Samples", "Report", "Report.A1:B6")
    chart.ChartType = "Line"
    chart.Legend = True
    chart.Resize(1000, 1000, 25000, 15000)
  

Diagrama ez da zertan datuak kokatuta dauden orrian bertan sortu beharrik. Uneko fitxategiko edozein orritan sortu daiteke, CreateChart metodoaren bigarren argumentuan orriaren izena zehaztuz.

Metodoak

ExportToFile

Diagrama irudi-fitxategi gisa gordetzen du zehaztutako kokaleku batean. True (egia) itzultzen du irudia ondo sortu bada.

chart.ExportToFile(filename: str, imagetype: str = "png", overwrite: bool = False): bool

filename: Irudia gordetzeko erabiliko den bide-izena eta fitxategi-izena identifikatzen ditu. SF_FileSystem.FileNaming notazioa erabili behar da.

imagetype: Sortuko den irudi motaren izena. Honako balioak onartzen dira: "gif", "jpeg", "png" (lehenetsia), "svg" eta "tiff".

overwrite: Helburu-fitxategia gainidatzi daitekeen zehazten du (balio lehenetsia = False).

      oChart.ExportToFile("C:\Temp\myChart.svg", ImageType := "svg", Overwrite := True)
    

      chart.ExportToFile(r"C:\Temp\myChart.svg", imagetype="svg", overwrite=True)
    

Resize

Diagramak uneko orrian duen kokalekua aldatzen du eta bere zabalera eta altuera aldatzen ditu. True itzultzen du tamaina ongi aldatu bada.

chart.Resize([xpos: int], [ypos: int], [width: int], [height: int]): bool

xpos, ypos: Zehaztu diagramaren X eta Y kokaleku berriak. Balio horietako bat ematen ez bada edo balioa negatiboa bada, hari dagokion kokalekua ez da aldatuko.

width: Zehaztu diagramaren zabalera berria. Argumentu hau ematen ez bada edo balio negatibo bat ematen bada, diagramaren zabalera ez da aldatuko.

height: Zehaztu diagramaren altuera berria. Argumentu hau ematen ez bada edo balio negatibo bat ematen bada, diagramaren altuera ez da aldatuko.

Argumentu guztiak milimetro baten 1/100 diren osoko balio gisa ematen dira.

      ' X eta Y kokaguneak soilik aldatzen ditu
      oChart.Rezise(1000, 3000)
      ' Diagramaren zabalera eta altuera soilik aldatzen ditu
      oChart.Resize(, , 25000, 12500)
      ' Gako-hitz moduko argumentuak onartzen dira
      oChart.Resize(Width := 25000, Height := 12500)
    

      chart.Rezise(1000, 3000)
      chart.Resize(-1, -1, 20000, 20000)
      chart.Resize(width=25000, height=12500)
    

Azpimarraren karaktere bat, "_", aurrizki gisa duten ScriptForge Basic errutina edo identifikatzaile guztiak barneko erabilerarako erreserbatuta daude. Ez dira Basic makroetan edo Python scriptetan erabili behar.