Txertatu kontrolak

Toolbox barra irekitzen du.

Aukeratu kontrolak ikonoa

Txertatu kontrolak

Botoia

Botoia ikonoa

Komando-botoia gehitzen du. Komando-botoiak definitutako gertaeren komandoak exekutatzeko erabil ditzakezu, adibidez saguaren bidez klik egitea.

Nahi izanez gero, botoiari testua edo grafikoa gehitu diezaiokezu.

Irudi-kontrola

Irudi-kontrola ikonoa

Grafikoak bistaratzen dituen kontrolak gehitzen ditu.

Kontrol-laukia

Kontrol-laukia ikonoa

Kontrol-laukiak gehitzen ditu funtzioak aktibatzeko edo desaktibatzeko.

Aukera-botoia

Aukera-botoia ikonoa

Erabiltzaileak aukera anitzen artean hautatzeko modua eskaintzen duen botoi bat gehitzen du. Taldekatutako aukera-botoiek elkarren ondoko tabulazio-ordena izan behar dute. Normalean talde-koadro batez inguratuta daude. Aukera-botoien bi talde badaude, tabulazio-ordena bat sartu behar da bi taldeen arteko tabulazio-ordenen artean, adibidez bigarren taldearen markoan, edo elkarrizketa-koadroko beste edozein kontroletan, beste kontrol hori aukera-botoi bat ez bada.

Etiketa-eremua

Etiketa-eremua ikonoa

Eremuak gehitzen ditu testu-etiketak bistaratzeko. Etiketa horiek aurrez definitutako testua soilik bistaratzen dute, ez dira testua sartzeko.

Testu-koadroa

Testu-koadroa ikonoa

Sarrera-lauki bat gehitzen du eta hor testua sartu eta edita dezakezu.

Zerrenda-koadroa

Zerrenda-koadroa ikonoa

Zerrendadun koadroa gehitzen du eta zerrenda horretako sarrera batean klik egin dezakezu.

Konbinazio-koadroa

Konbinazio-koadroa ikonoa

Konbinazio-koadroa gehitzen du. Konbinazio-koadroa lerro bakarreko zerrenda-koadroa da; han klik egin eta zerrendako sarrera bat aukeratu dezakezu. Nahi izanez gero, konbinazio-koadroko sarrerak "irakurtzeko soilik" bihur ditzakezu.

Korritze-barra horizontala

Korritze-barra horizontala ikonoa

Elkarrizketa-koadroari korritze-barra horizontala gehitzen dio.

Korritze-barra bertikala

Korritze-barra bertikala ikonoa

Elkarrizketa-koadroari korritze-barra bertikala gehitzen dio.

Talde-markoa

Talde-koadroa ikonoa

Antzeko kontrolak bisualki elkartzeko erabil dezakezun markoa gehitzen du, esaterako, aukera-botoiak.

note

Aukera-botoien bi talde desberdin zehazteko, ziurtatu talde-markoaren tabulazio-indizea bi taldeen tabulazio-indizeen artean dagoela.


Aurrerapen-barra

Aurrerapen-barra ikonoa

Elkarrizketa-koadroari aurrerapen-barra gehitzen dio.

Marra horizontala

Marra horizontala ikonoa

Elkarrizketa-koadroari marra horizontala gehitzen dio.

Marra bertikala

Lerro bertikala ikonoa

Elkarrizketa-koadroari marra bertikala gehitzen dio.

Data-eremua

Data-eremua ikonoa

Data-eremua gehitzen du.

Data-eremuari "goitibehera" propietatea esleitzen badiozu, erabiltzaileak egutegia goitik behera jaitsi ahal izango du data bat hautatzeko.

Ordu-eremua

Ordu-eremua ikonoa

Ordu-eremua gehitzen du.

Zenbakizko eremua

Zenbakizko eremua ikonoa

Zenbakizko eremua gehitzen du.

Moneta-eremua

Moneta-eremua ikonoa

Moneta-eremua gehitzen du.

Eremu formatuduna

Formateatutako eremua ikonoa

Testu-koadroa gehitzen du, eta hor sartzen edo irteten den testuaren formatua eta balio murriztaileak defini ditzakezu.

Eremu maskaratua

Eredu-eremua ikonoa

Eremu maskaratua gehitzen du. Eremu maskaratua sarrerako maskarak eta karaktere-maskarak osatzen dute. Erabiltzaileak zein datu sar ditzakeen zehazten du sarrerako maskarak. Karaktere-maskarak, berriz, inprimakia kargatzean eremu maskaratuak zein egoera izango duen zehazten du.

Fitxategi-hautapena

Fitxategi-hautapena ikonoa

Botoi bat gehitzen du, eta horren bidez fitxategiak hautatzeko elkarrizketa-koadroa ireki dezakezu.

Hautatu

Hautatu ikonoa

Hautapen modua aktibatu edo desaktibatzen du. Modu horretan, elkarrizketa-koadroetako kontrolak hauta ditzakezu editatzeko.

Propietateak

Propietateak ikonoa

Elkarrizketa-koadro bat irekitzen du, eta hor hautatutako kontrolaren propietateak edita ditzakezu.

Aktibatu test modua

Aktibatu proba-modua ikonoa

Test modua abiarazten du. Erabili elkarrizketa-koadroko itxi aukera probaren modua amaitzeko.

Kudeatu hizkuntza

Kudeatu hizkuntza ikonoa

elkarrizketa-koadro bat irekitzen du, hainbat hizkuntzatako elkarrizketa-koadroen iturburuen multzo batzuk gaitzeko edo kudeatzeko.

Zuhaitz-kontrola

Zuhaitz-kontrola ikonoa

Zerrenda hierarkikoa erakuts dezakeen zuhaitz-kontrol bat gehitzen du. Programatik bete dezakezu zerrenda, API deiak erabiliz (XtreeControl).

Taula-kontrola

Taula-kontrola ikonoa

Taula baten datuak erakutsi ditzakeen taula-kontrol bat gehitzen du. Datuak zure programarekin bete ditzakezu, API deiak erabilita.

Hiperesteken kontrola

Txertatu hiperesteka-kontrola ikonoa

Helbide bat web-arakatzaile batean ireki dezakeen hiperesteken kontrol bat gehitzen du.

Emaguzu laguntza!