Redakti Indekselementon

Redaktas la elektitan indekseron. Alklaku antaŭ aŭ en la indeksero, kaj elektu ĉi tiun komandon.

Por enmeti indeksan elementon, elektu vorton en la dokumento, kaj elektu menuerojn Enmeti - Enhavolisto kaj indekso - Indeksa elemento.

Por atingi ĉi tiun komandon...

Elektu Redakti - Referenco - Indeksero...

Malfermu kuntekstan menuon - elektu menueron Indeksero

Elektaĵo

Redaktas la elektitan indeksan elementon.

Indekso

Vidigas la tipon de indekso al kiu apartenas la elektita elemento. Oni ne povas ŝanĝi la indeksan tipon de elemento per ĉi tiu dialogo. Anstataŭe, oni devas forigi la indeksan elementon el la dokumento, kaj reenmeti ĝin kun alia indeksa tipo.

Elemento

Redaktu la indeksan elementon laŭnecese. Kiam oni modifas indeksan elementon, la nova teksto aperos nur en la indekso, ne ĉe la ankro de la indeksa elemento en la dokumento. Ekzemple, oni povas enmeti indekson kun komentoj, kiaj "Baza, vidu ankaŭ je Ĝenerala".

1-a ŝlosilo

Por krei plurnivelan indekson, tajpu la nomon de la unuanivela indeksa elemento, aŭ elektu nomon el la listo. La aktuala indeksa elemento enmetiĝos sub tiu nomo.

2-a ŝlosilo

Tajpu la nomon de la duanivela indeksa elemento, aŭ elektu nomon el la listo. La aktuala indeksa elemento aldoniĝos sub tiu nomo.

Nivelo

Ŝanĝas la konturan nivelon de elemento de tabelo de enhavo.

Foneta legado

Enmetu la fonetikan reprezentaĵon por la rilata elemento. Ekzemple, se japana kanji-vorto havas pli ol unu prononcmanieron, enmetu la ĝustan prononcmanieron kiel katakana-vorton. La kanji-vorto tiam ordiĝos laŭ la fonetika elemento. Ĉi tiu eblo disponeblas nur se azilingva subteno estas ŝaltita.