Borderoj en ĉelo difinitaj de uzanto

Oni povas apliki diversajn liniojn al elektitaj ĉeloj.

1. Elektu ĉelon aŭ blokon da ĉeloj.

2. Elektu je Formato - Ĉeloj.

3. En la dialogo, alklaku langeton Borderoj.

4. Elektu la borderajn agordojn aplikotajn kaj alklaku je Akcepti.

La agordoj en la areo Liniojn aranĝi estas uzeblaj por apliki plurajn borderajn stilojn.

Elekti ĉelojn

Depende de la elektaĵo de ĉeloj, la areo aspektas malsama.

Elektaĵo	Liniaranĝa areo
Unu ĉelo
Ĉeloj en kolumno
Ĉeloj en vico
Ĉeloj en bloko de 2x2 aŭ pli

Aprioraj agordoj

Alklaku iun el la bildsimboloj Aprioraj por agordi aŭ reagordi plurajn borderojn.

• La maldikaj grizaj linioj en bildsimbolo montras la borderojn reagordotajn aŭ vakigotajn.

• La dikaj linioj en bildsimbolo montras la liniojn agordotajn per la elektitaj linistilo kaj koloro.

• La dikaj grizaj linioj en bildsimbolo montras la liniojn ne ŝanĝotajn.

Ekzemploj

Elektu blokon de ĉirkaŭ 8x8 ĉeloj, kaj elektu je Formato - Ĉeloj - Borderoj.

• Alklaku la maldekstran bildsimbolon por vakigi ĉiujn liniojn. Tio forigas ĉiujn eksterajn borderojn, ĉiujn internajn liniojn, kaj ĉiujn diagonalajn liniojn.

• Alklaku la duan bildsimbolon de maldekstre por agordi eksteran borderon kaj por forigi ĉiujn aliajn liniojn.

• Alklaku la plejdekstran bildsimbolon por agordi eksteran borderon. La internaj linioj ne ŝanĝiĝos, krom la diagonalaj linioj, kiuj foriĝos.

Nun vi povas daŭrigi por vidi kiujn liniojn la aliaj bildsimboloj agordos aŭ forigos.

Agordoj atribuitaj de uzanto

En la areo Difinita de uzantooni povas alklaki por agordi aŭ forigi liniojn unuope. La antaŭvido vidigas liniojn en tri malsamaj statoj.

Ripete alklaku eĝon aŭ angulon por ŝalti tra la tri malsamaj statoj.

Tipoj de linio	Bildo	Signifo
Nigra linio		Nigra linio agordas la rilatan linion de la elektitaj ĉeloj. La linio vidiĝas kiel punkta linio kiam oni elektas la linistilon 0,05 pt. Duoblaj linioj vidiĝas kiam oni elektas duoblan linistilon.
Griza linio		Griza linio vidiĝas kiam la rilata linio de la elektitaj ĉeloj ne ŝanĝiĝos. Neniu linio agordiĝos aŭ foriĝos ĉe tiu pozicio.
Blanka linio		Blanka linio vidiĝas kiam la rilata linio de la elektitaj ĉeloj foriĝos.

Ekzemploj

Elektu blokon de ĉirkaŭ 8x8 ĉeloj, kaj elektu je Formato - Ĉeloj - Borderoj.

Alklaku la suban eĝon por agordi tre maldikan linion kiel la suba bordero. Ĉiuj aliaj linioj foriĝos el la ĉelo.

Elektu pli dikan linian stilon kaj klaku al la suba eĝo. Tio agordas pli dikan linion kiel la suban borderon.

Klaku al la dua Apriora bildsimbolo de la maldekstro por agordi ĉiujn kvar borderojn. Ripete alklaku la suban eĝon ĝis blanka linio vidiĝas. Tio forigas la suban borderon.

Vi povas kombini kelkajn liniajn tipojn kaj stilojn. La lasta bildo montras kiel agordi dikajn eksterajn borderojn (la dikaj nigraj linioj), dum eventualaj diagonalaj linioj en la ĉelo ne ŝanĝiĝos (grizaj linioj).