Formular

Napórajo pólo za pokazowanje teksta. Toś te pópisańske póla su jano za pokazowanje pśeddefiněrowanego teksta. Zapódaśa njejsu móžne w toś tych pólach.

Napórajo tekstowe pólo. Tekstowe pola su póla, w kótarychž wužywaŕ móžo tekst zapódaś. W formularje tekstowe póla daty pokazuju abo zapódaśe nowych datow zmóžnjaju.

Napórajo kontrolny kašćik. Kontrolne kašćiki wam zmóžnjaju, funkciju w formularje zmóžniś abo znjemóžniś.

Napórajo opciski tłocašk. Opciske tłocaški wužywarjeju zmóžnjaju, jadnu z někotarych móžnosćow wubrał. Opciske tłocaški z teju samskeju funkcionalnosću to samske mě dostawaju (Mě"> kakosć). W normalnem paźe kupkowe pólo dostawaju.

Napórajo lisćinowe pólo. Lisćinowe pólo wužywarjam zmóžnja, zapisk z lisćiny wubraś. Jolic formular jo z datoweju banku zwězany a zwisk datoweje banki jo aktiwny, se asistent lisćinowego póla awtomatiski zjawijo, za tym až jo se lisćinowe pólo do dokumenta zasajźiło. Toś ten asistent wam pomaga, lisćinowe pólo napóraś.

Napórajo kombinaciske pólo. Kombinaciske pólo jo jadnosmužkowe lisćinowe pólo z wuběrańskeju lisćinu, z kótarejež mógu wužywarje móžnosć wubraś. Móžośo kombinaciskemu póloju kakosć „pśeśiwo pisanjeju šćitany“ pśipokazaś, až njeby mógli wužywarje druge zapiski zapódaś, ako te, kótarež južo su w lisćinje. Jolic formular jo z datoweju banku zwězany a zwisk datoweje banki jo aktiwny, se asistent kombinaciskego póla awtomatiski zjawjoi, za tym až sćo zasajźił kombinaciske pólo w dokumenśe.

Napórajo tłocašk. Toś ta funkcija dajo se wužywaś, aby pśikaz za definěrowane tšojenje, na pśikład kliknjenje z myšku, wuwjadła.

Móžośo tekst a grafiki na toś te tłocaški nałožyś.

Napórajo tłocašk ako wobraz. Wótglědajucy wót grafiskego zwobraznjenja ma wobrazowy tłocašk samske kakosći ako „normalny“ tłocašk.

Napórajo formatěrowane pólo. Formatěrowane pólo jo tekstowe pólo, w kótaremž móžośo definěrowaś, kak se zapódaśa a wudaśa formatěruju a kótare granicne gódnoty płaśe.

Formatěrowane pólo ma wósebne kakosći wóźeńskich elementow (wubjeŕśo Format – Wóźeński element…).

Napórajo wobłuk, kótaryž někotare wóźeńske elementy optiski rěduju. Kupke póla wam zmóžnjaju, opciske tłocaški we wobłuku zrědowaś.

Jolic kupkowy wobłuk do dokumenta zasajźujośo, startujo se asistent kupkowych elementow, kótaryž wam zmóžnja, lažko opcisku kupku napóraś.

Pokaz: Jolic kupkowe pólo na južo eksistěrujuce wóźeńske elementy śěgaśo a pón cośo wóźeński element wubraś, musyśo nejpjerwjej kontekstowy meni kupkowego póla wócyniś a Zastojaś – Cele doslědka wubraś. Wubjeŕśo pón wóźeński element, mjaztym až na tłocyśo.

Kupkowe póla se jano za wizuelny efekt wužiwaja. Funkcionalne zrědowanje opciskich tłocaškow dajo se pśez mjenjowu definiciju pśewjasć: Zapódajśo pód kakosćami Mě wšych opciskich tłocaškow to samske mě, aby je zrědował.

Napórajo wobrazowy wóźeński element. Dajo se jano wužywaś, aby wobraze z datoweje banki pśidał. Klikniśo w formularowem dokumenśe dwójcy na jaden z toś tych wóźeńskich elementow, aby dialog Grafiku zasajźiś wócynił, aby wobraz zasajźił. Dajo teke kontekstowy meni (nic w nacerjeńskem modusu) z pśikazami za zasajźowanje a lašowanje wobraza.

Wobraze z datoweje banki daju se w formularje pokazaś a nowe wobraze daju se w datowej bance zasajźiś, jolic wobrazowy wóźeński element njejo šćitany pśeśiwo pisanjeju. Wóźeński element musy se na pólo datoweje banki typa wobraz póśěgowaś. Zapódajśo togodla datowe pólo do wokna kakosćow na rejtariku Daty.

Napórajo tłocašk, kótaryž datajowy wuběrk zmóžnja.

Napórajo tabelowy wóźeński element, aby tabelu datoweje banki pokazał. Jolic nowy tabelowy wóźeński element napórajośo, se asistent tabelowego elementa zjawijo.

Wósebne informacije wó tabelowych wóźeńskich elementach.

Napórajo nawigacisku rědku.