Słowa licyś

1. Licba słowow a znamuškow se w statusowej rědce pokazujotej, a źaržytej se za wobźěłanje aktualnej.

2. Licba słowow a znamuškow za wótrězk se w Nawigatorje ako pomocny tekst pokazujo, gaž pokazowak myški jo nad mjenim toś togo wótrězka.

3. Jolic cośo jano we wěstem tekstowem wótrězku licyś, wubjeŕśo tekstowy wótrězk.

4. Aby rozšyrjonu statistiku ako na pśikład licbu bźez proznych znamuškow pokazał, klikniśo dwójcy na licbu słowow w statusowej rědce abo wubjeŕśo Rědy – Licenje słowow….

Kak LibreOffice słowa licy?

Zwětšego kuždy znamjenjowy rjeśazk mjazy dwěma proznyma jo słowo. Wězawki, tabulatory, łamanja smužkow a wótstawkowe łamanja su teke słowne źěleńske znamuška.

Słowa z pśecej widobnymi źěleńskimi znamuškami ako w plug-in, add-on, wužywaŕ/nastajenja se ako jadno separatne słowo lice.

Słowa mógu měšańca pismikow, licbow a wósebnych znamuškow byś. Togodla se slědujucy tekst ze styrich słowow zestaja: abc123 1.23 "$" http://www.pśikład.com.

Aby swójske znamuško pśidał, kótarež ma słowne wobgranicowanje byś, wubjeŕśo – LibreOffice Writer – Powšykne a zapódajśo znamuško do póla Pśidatne źěleńske znamuška. Pó standarźe toś to pólo EM DASH (—) a EN DASH (–) wopśimujo.