Nastajenja za słowne wudopołnjenje w tekstowych dokumentach

Jolic cośo, až LibreOffice awtomatiski słowa wudopołnjujo, kótarež cesto wužywaśo, móžośo dalšne pśiměrjenja pśewjasć, kótarež zaźaržanje pólěpšuju. Jolic cośo, móžośo teke aktualnu lisćinu zgromaźonych słowow składowaś, abychu se dali w pśiducem pósejźenju wužywaś.

Aby słowne wudopołnjenje nastajił, wubjeŕśo Rědy – Awtomatiska korektura – Nastajenja awtomatiskeje korektury… – Słowne wudopołnjenje a wubjeŕśo jadno ze slědujucych nastajenjow:

Pśidatne prozne znamuško zasajźiś

Wubjeŕśo Prozne znamuško pśidaś.

Symbol za Notica

Prozne znamuško se pśidawa, za tym až sćo zapódał prědne znamuško pśiducego słowa za awtomatiski wudopołnjonym słowom. Prozne znamuško se pódtłocyjo, jolic pśiduce znamuško jo źěleńske znamuško, na pśikład dypk abo znamuško noweje smužki.


Tastu za Akceptěrowaś definěrowaś

Wubjeŕśo w lisćinowem pólu Akceptěrowaś z tastu, z kótarejuž se naraźone słowo akceptěrujo.

Minimalnu licbu znamuškow wubraś

Wužywajśo pólo Minimalna słowna dłujkosć, aby minimalnu licbu znamuškow słowa nastajił, kótarež słowo musy měś, aby se do lisćiny pśiwzeło.

Wobceŕk płaśiwosći zgromaźonych słowow wubraś

Znjemóžniśo nastajenje Pśi zacynjanju dokumenta słowa zgromaźone z njogo z lisćiny wótwónoźeś.

Lisćina jo něnto teke za druge dokumenty płaśiwa, kótarež wócynjaśo. Gaž slědny dokument LibreOffice zacynjaśo, se słowo wulašujo.

Jolic kontrolny kašćik zmóžnjaśo, jo lisćina jano tak dłujko płaśiwa ako aktualny dokument jo wócynjony.

Jolic cośo, až słowna lisćina dlej ako aktualne pósejźenje LibreOffice eksistěrujo, składujśo ju ako dokument, ako se w slědujucem wótrězku wopisujo.

Słownu lisćinu za dalšne pósejźenja wužywaś

Symbol za Notica

Jolic awtomatiska pšawopisna kontrola jo zmóžnjona, se jano słowa gromaźe, kótarež pšawopisna kontrola spóznawa.


Wužywajśo słownu lisćinu, aby z wěsteju sajźbu techniskich zapśimjeśow za funkciju słownego wudopołnjenja zachopił.

  1. Wócyńśo tekstowy dokument, kótaryž zapśimjeśa wopśimujo, kótarež cośo za słowne wudopołnjenje wužywaś.

    Funkcija słowne wudopołnjenje słowa gromaźi.

  2. Wubjeŕśo wšykne abo někotare słowa w lisćinje.

  3. Wužywajśo +C, aby wšykne zgromaźone słowa do mjazywótkłada kopěrował. Zasajźćo wopśimjeśe mjazywótkłada do nowego dokumenta a składujśo jen, aby referencnu lisćinu zgromaźonych słowow dostał.

    Pózdźej móžośo referencnu lisćinu wócyniś a słowa awtomatiski gromaźiś, aby funkcija słownego wudopołnjenja z definěrowaneju sajźbu słowow zachopiła.

Pódobne temy

Słowne wudopołnjenje

Słowne wudopołnjenje wužywaś

Pšosym pódprějśo nas!