Tezawrus
Wužywajśo tezawrus, aby za synonymami abo pódobnymi zapśimjeśami pytał.
-
Klikniśo na słowo, kótarež cośo pytaś abo wuměniś.
-
Wubjeŕśo Rědy – Tezawrus… abo tłocćo cmd ⌘Strg+F7.
-
Klikniśo w lisćinje Alternatiwy na zapisk, aby pódobne zapśimjeśe do póla „Wuměniś z“ kopěrował.
-
Klikniśo na žycenje na zapisk, aby pódobne zapśimjeśa za toś ten zapisk pytał. Na swójej tastaturje móžośo teke šypku górjej (↑) abo šypku dołoj (↓) tłocyś, aby zapisk wubrał. Tłocćo pón na Enter, aby wuměnił, abo tłocćo proznu tastu, aby pytał.
-
Klikniśo na Wuměniś.
Na zachopjeńku tezawrus rěc wubranego słowa w dokumenśe wužywa, jolic biblioteka tezawrusa za tu rěc jo instalěrowana. Titelowa rědka dialoga Tezawrus rěc pokazujo, kótaraž se wužywa.
Aby słowo w drugej rěcy pytał, klikniśo na tłocašk Rěc a wubjeŕśo jadnu z instalěrowanych rěcow z tezawrusom. Biblioteka tezawrusa snaź njejo za wšykne instalěrowane rěcy k dispoziciji. Móžośo rěcy z biblioteku tezawrusa wót webboka Rozšyrjenja instalěrowaś.
Jolic biblioteka tezawrusa jo za rěc słowa instalěrowana, kontekstowy meni słowa pódmeni ze synonymami pokazujo. Wubjeŕśo jadno ze zapśimjeśow z pódmenija, aby słowo wuměnił.