Numerěrowanje a wótstawkowe pśedłogi

Móžośo numerěrowanje manuelnje na wótstawk nałožyś abo z wótstawkoweju pśedłogu.

Jolic cośo numerěrowane nadpisma, wužywajśo Rědy – Nadpismowe numerěrowanje…, město aby manuelnje numerěrował.

Numerěrowanje manuelnje nałožyś

Aby numerěrowanje manuelnje nałožył, klikniśo do wótstawka a pón na symbol Rědowanu lisćinu pśešaltowaś w symbolowej rědce Formatěrowanje abo wužywajśo wuběrański meni na symbolu, aby format numerěrowanja wubrał.

Njamóžośo manuelne numerěrowanje na wótstawki nałožyś, kótarež su pód „Wósebne pśedłogi“ we woknje Pśedłogi nalicone.

Gaž Enter w numerěrowanej lisćinje abo nalicenju tłocyśo, LibreOffice awtomatiski pśiducy wótstawk numerěrujo. Aby numerěrowanje abo naliceńske znamuško z nowego wótstawka wótwónoźeł, tłocćo Enter hyšći raz.
Aby naliceńske znamuška abo format numerěrowanja jano za aktualny wótstawk změnił, wubjeŕśo znamuško abo słowo we wótstawku, pón Format – Naliceńske znamuška a numerěrowanje… a klikniśo pón na nowy format.
Aby naliceńske znamuška abo format numerěrowanja za wšykne wótstawki změnił, zawěsććo, až kursor jo w lisćinje, wubjeŕśo Format – Naliceńske znamuška a numerěrowanje… a klikniśo pón na nowy format.
Wužywajśo pśikaze w symbolowej rědce Naliceńske znamuška a numerěrowanje, aby pórěd a rowninu lisćinowych wótstawkow změnił.
Aby wiźeł, kótare wótstawki su w samskej lisćinje, klikniśo nalěwo pódla numera abo symbola na zachopjeńku lisćinowego wótstawka a zmóžniśo Naglěd – Pólne wósni (+F8).

Aby eksistěrujucej lisćinje wubrane wótstawki pśidał, wužywajśo Format – Lisćiny – Lisćinje pśidaś.

Numerěrowanje z wótstawkoweju pśedłogu nałožyś

Wótstawkowe pśedłogi wam wětšu kontrolu nad numerěrowanim dawaju, kótarež w dokumenśe nałožujośo. Gaž lisćinowu pśedłogu změnjaśo, kótaraž jo wótstawkej pśedłoze pśipokazana, se format numerěrowanja w lisćinowej pśedłoze awtomatiski na wšykne wótstawki nałožujo, kótarež wótstawkowu pśedłogu wužywaju.

Wubjeŕśo Naglěd – Formatowe pśedłogi a klikniśo pón na symbol Wótstawkowe pśedłogi.
Klikniśo z pšaweju tastu na wótstawkowu pśedłogu, na kótaruž cośo numerěrowanje nałožyś, a wubjeŕśo Pśedłogu wobźěłaś….
Klikniśo na rejtarik Rozrědowanje a lisćina.
Wubjeŕśo w pólu Lisćinowa pśedłoga lisćinowu pśedłogu, kótaraž se ma nałožyś.
Klikniśo na W pórěźe.
Nałožćo wótstawkowu pśedłogu na wótstawki, kótarymž cośo numerěrowanje pśidaś.

Lisćinowu rowninu lisćinowego wótstawka změniś

Aby numerěrowany abo naliceński lisćinowy wótstawk wó jadnu rowninu dołoj pśesunuł, klikniśo na zachopjeńk wótstawka a tłocćo pón tabulatorowu tastu (↹).
Aby numerěrowany abo naliceński lisćinowy wótstawk wó jadnu rowninu górjej pśesunuł, klikniśo na zachopjeńk wótstawka a tłocćo pón Umsch (⇧)+tabulatorowu tastu (↹).
Aby tabulator mjazy numerom abo naliceńskim znamuškom a wótstawkowym tekstom za wšykne lisćinowe wótstawki na danej lisćinowej rowninje zasajźił, wužywajśo nastajenje Slědowany wót w rejtariku Pozicija w dialogu Naliceńske znamuška a numerěrowanje. Za jadnotliwy lisćinowy wótstawk dajo se rejtarik kopěrowaś a pón na zachopjeńku lisćinowego wótstawka zasajźiś.

Numerěrowane lisćiny kombiněrowaś

Naliceńske znamuška pśidaś

Numerěrowanje pśidaś

Numerěrowane lisćiny abo nalicenja pśi zapódawanju napóraś

Nalicenja a numerěrowanje za jadnotliwe wótstawki znjemóžniś

Numerěrowanje w numerěrowanej lisćinje změniś

Pópisanja wužywaś

Numerowe wobceŕki definěrowaś

Lisćinowa pśedłoga