Numerěrowanje pśidaś

Lisćinje numerěrowanje pśidaś

1. Wubjeŕśo wótstawki, kótarymž cośo numerěrowanje pśidaś.

2. Pśewjeźćo jaden ze slědujucych kšacow:

• Klikniśo na symbol Rědowanu lisćinu pśešaltowaś w symbolowej rědce Formatěrowanje (F12)

• Klikniśo z pšaweju tastu, wubjeŕśo Lisćina a pón lisćinowu pśedłogu.

Wótstawkowa pśedłoga dajo se konfigurěrowaś, aby se numerěrowanje pśidało.

Wótstawki z rědowaneje lisćiny wótwónoźeś

Aby numerěrowanje wótwónoźeł, wubjeŕśo numerěrowane wótstawki, klikniśo pón na symbol Rědowanu lisćinu pśešaltowaś abo symbol Žedna lisćina w symbolowej rědce Formatěrowanje.

Rědowanu lisćinu formatěrowaś

Aby formatěrowanje numerěrowaneje lisćiny změnił, pśewjeźćo jaden ze slědujucych kšacow:

• Klikniśo do lisćiny, wubjeŕśo Format – Naliceńske znamuška a numerěrowanje….

• Klikniśo z pšaweju tastu do lisćiny, wubjeŕśo pón Lisćina – Naliceńske znamuška a numerěrowanje….

Aby hierarchiju rědowaneje lisćiny změnił, klikniśo do lisćiny a wužywajśo pón symbole w symbolowej rědce Naliceńske znamuška a numerěrowanje.

Gaž se zapisk z numerěrowaneje lisćiny do nowego městna kopěrujo abo pśesuwa, se numerěrowanje lisćiny pókšacujo. Aby nowe numerěrowanje ze zasajźonym zapiskom zachopił, klikniśo dwójcy na Rědowanu lisćinu pśešaltowaś. Formatěrowanja zasajźonego zapiska se na standard slědk stajaju.