Źělenje złožkow

Pó standarźe LibreOffice słowa, kótarež se do smužki njegóźe, do pśiduceje smužki pśesuwa. Jolic cośo, móžośo awtomatiske abo manuelne źělenje złožkow wužywaś, aby se toś togo zaźaržanja wobinuło.

note

Pšawidła źělenja złožkow se pó rěcach rozeznawaju. Aby se spóznało, źož słowo dajo se źěliś, musyśo wótpowědne rozšyrjenje instalěrowaś. Jolic pšawidła feluju, se zmólkowa powěźeńka abo chórgoj pokažo.
Pšawidła źělenja złožkow se cesto ze słownikami zjadnośuju a z LibreOffice wótwisujucy wót wubraneje rěcy instalěruju. Jolic feluju, pytajśo z pytańskim wurazom „hyphenation“ na websedle rozšyrjenjow, aby relewantne rozšyrjenja namakał.
Zgońśo wěcej wó rěcnej pódpěrje w našom wikiju.


Awtomatiske źělenje złožkow

Awtomatiske źělenje złožkow źěleńske znamuška tam zasajźujo, źož su we wótstawku trjebne. Toś to nastajenje jo jano za wótstawkowe pśedłogi a jadnotliwe wótstawki k dispoziciji.

Tekst we wótstawku awtomatiski źěliś

  1. Klikniśo z pšaweju tastu do wótstawka a wubjeŕśo Wótstawk – Wótstawk….

  2. Klikniśo na rejtarik Tekstowy běg.

  3. Wubjeŕśo we wobceŕku Źělenje złožkow kontrolny kašćik Awtomatiski.

  4. Klikniśo na W pórěźe.

Tekst w někotarych wótstawkach awtomatiski źěliś

Jolic cośo někotare wótstawki awtomatiski źěliś, wužywajśo wótstawkowu pśedłogu.

Zmóžniśo nastajenje za awtomatiske źělenje złožkow za wótstawkowu pśedłogu „Standard“ a nałožćo pón pśedłogu na wótstawki, w kótarychž cośo źělenje złožkow pśewjasć.

  1. Wubjeŕśo Naglěd – Formatowe pśedłogi a klikniśo pón na symbol Wótstawkowe pśedłogi.

  2. Klikniśo z pšaweju tastu na wótstawkowu pśedłogu, źož cośo źělenje złožkow pśewjasć, a wubjeŕśo pón Změniś….

  3. Klikniśo na rejtarik Tekstowy běg.

  4. Wubjeŕśo we wobceŕku Źělenje złožkow kontrolny kašćik Awtomatiski.

  5. Klikniśo na W pórěźe.

  6. Nałožćo pśedłogu na wótstawki, w kótarychž cośo źělenje złožkow pśewjasć.

Manuelne źělenje złožkow

Móžośo na někakem městnje w smužce źěleńske znamuško zasajźiś, abo LibreOffice za słowami pytaś daś, kótarež se maju źěliś, a pón źělenje złožkow naraźiś.

Jadnotliwe słowa manuelnje źěliś

Aby źěleńske znamuško zasajźił, klikniśo na městno słowa, źož cośo źěleńske znamuško pśidaś a tłocćo pón +wězawka (-).

Jolic manuelne źěleńske znamuško do słowa zasajźujośo, se słowo na manuelnem źěleńskem znamušku źěli. Pśidatne awtomatiske źělenje złožkow na toś to słowo njenałožujo. Słowo z manuelnym źěleńskim znamuškom se njeźiwajucy na nastajenja na rejtariku Tekstowy běg źěli.

Tekst we wuběrku manuelnje źěliś

  1. Wubjeŕśo tekst, w kótarymž cośo źělenje złožkow pśewjasć.

  2. Wubjeŕśo Rědy – Rěc – Źělenje złožkow….

Pódobne temy

Pšawopis a gramatiku kontrolěrowaś

Tezawrus

Creating and Changing Default and Custom Templates

Źělenjeju złožkow za wěste słowa zajźowaś

Tekstowy běg

Pšosym pódprějśo nas!