Titelowy bok wužywaś

Titelowe boki su boki na zachopjeńku dokumenta, kótarež wózjawjeńske informacije naspomnjeju, na pśikład titel publikacije, mě awtora atd. Toś te boki maju druge wugótowanje ako boki dokumentowego śělesa, dokulaž njamaju numerěrowanje bokow, wótergi maju drugu głowowu a nogowu smužku a samo druge kšomowe nastajenja abo drugu slězynu.

Wjele dokumentow, na pśikład listy a rozpšawy, ma prědny bok, kótaryž se wót drugich bokow w dokumenśe rozeznawa. Prědny bok listoweje głowy na pśikład ma zwětšego drugu głowowu smužku abo prědny bok rozpšawy njama snaź głowowu smužku abo nogowu smužku, mjaztym až druge boki ju maju. To móžośo z LibreOffice Writer lažko dojśpiś.

Głowowa a nogowa smužka boka, numerěrowanje, kšomy a wusměrjenje su někotare z kakosćow, kótarež k pśedłogam boka słušaju. LibreOffice Writer wam zmóžnja, prozny titelowy bok něźi we wašom dokumenśe zasajźiś, abo eksistěrujucy bok ako titelowy bok formatěrowaś, gaž łamanje boka zasajźujośo, kótaremuž pśedłoga boka pó wašej wólbje slědujo abo gaž pśedłogu boka na poziciji kursora změnjaśo.

Gaž pśedłogu boka Standard (abo drugu) za swój dokument wužywaśo, móžośo prědnemu bokoju głowowu abo nogowu smužku pó žycenju pśidaś, gaž nastajenje Samske wopśimjeśe na prědnem boku w rejtariku Głowowa smužka/Nogowa smužka w dialogu Pśedłoga bok znjemóžnjaśo a pón głowowu smužku abo nogowu smužku pśidawaśo. Móžośo pón drugim bokam dokumenta drugu głowowu abo nogowu smužku pśidaś.

Prědny bok dokumenta do titelowego boka pśetwóriś

1. Stajśo kursor na prědny bok,

2. Wubjeŕśo Format – Titelowy bok… z menijoweje rědki

3. Wubjeŕśo Eksistěrujuce boki do titelowych bokow pśetwóriś

4. Wubjeŕśo pśedłogu titelowego boka we wobceŕku Kakosći boka wobźěłaś

Pó standarźe LibreOffice pśedłogu boka Prědny bok wuběra.

5. Póstajśo nastajenja za slědkstajenje numerěrowanja bokow.

6. Klikniśo na W pórěźe.

To aktualnu pśedłogu boka do Prědny bok změnijo a slědujuce boki maju pśedłogu boka Standard.

Titelowy bok něźi w dokumenśe zasajźiś

Stajśo kursor na městno, źož cośo nowy titelowu bok zasajźiś.

1. Wubjeŕśo Format – Titelowy bok… z menijoweje rědki.

2. Wubjeŕśo Nowe titelowe boki zasajźiś

3. Nastajśo licbu titelowych bokow, kótarež se maju pśidaś

4. Nastajśo numer boka we wobwjertnem pólu, aby městno titelowego boka póstajił.

5. Póstajśo nastajenja za slědkstajenje numerěrowanja bokow.

6. Klikniśo na W pórěźe

To łamanje boka zasajźijo a aktualnu pśedłogu boka do Prědny bok změnijo. Slědujuce boki maju pśedłogu boka Standard.

Aby titelowy bok wulašował:

Njamóžośo titelowy bok lašowaś. Musyśo jeje format pśedłogi boka wót Prědny bok do někakeježkuli pśedłogi boka změniś.

1. Stajśo kursor na bok, źož cośo pśedłogu změniś

2. Wócyńśo Wobłuk Pśedłogi bocnice a wubjeŕśo Pśedłogi boka.

3. Wubjeŕśo z lisćiny pśedłogow boka pśedłogu boka, kótaruž cośo nałožyś.

4. Klikniśo dwójcy na pśedłogu boka, kótaruž cośo nałožyś.