Ceły tekstowy dokument zasajźiś

Tekstowu dataju zasajźiś

1. Stajśo kursor w dokumenśe na městno, źož cośo dataju zasajźiś.

2. Wubjeŕśo Zasajźiś – Tekst z dataje….

3. Pytajśo tekstowy dokument, kótaryž cośo zasajźiś a klikniśo pón na W pórěźe.

Wopśimjeśe tekstowego dokumenta se do aktualnego dokumenta zasajźujo a njeaktualizěrujo, jolic se žrědłowa dataja změnja. Jolic cośo wopśimjeśe awtomatiski aktualizěrowaś, gaž žrědłowy dokument změnjaśo, zasajźćo dataju ako zwězanje.

Ceły tekstowy dokument ako zwězanje zasajźiś

1. Stajśo kursor w dokumenśe na městno, źož cośo dataju zasajźiś.

2. Wubjeŕśo Zasajźiś – Wótrězk….

3. Zapódajśo mě do póla Nowy wótrězk a wubjeŕśo pón kontrolny kašćik Zwězaś.

4. Zapódajśo w pólu Datajowe mě mě dataje, kótaruž cośo zasajźiś abo klikniśo na tłocašk Pśepytaś… a pytajśo dataju.

   Jolic celowy tekstowy dokument wótrězki wopśimujo, móžośo wótrězk wubraś, kótaryž cośo do póla Wótrězki zasajźiś.

5. Jolic cośo, póstajśo formatěrowańske nastajenja za wótrězk.

6. Klikniśo na Zasajźiś.

LibreOffice awtomatiski wopśimjeśe zasajźonego wótrězka aktualizěrujo, gažkuli se žrědłowy dokument změnja. Aby wopśimjeśe wótrězka manuelnje aktualizěrował, wubjeŕśo Rědy – Aktualizěrowaś – Wšykne aktualizěrowaś.