Wobłuki zasajźiś, wobźěłaś a zwězaś

Wobłuk jo kontejner za tekst a grafiki, kótarež móžośo něźi na boku pozicioněrowaś. Móžośo teke wobłuk wužywaś, aby słupowe wugótowanje na tekst nałožył.

Wobłuk zasajźiś

1. Wubjeŕśo tekst, kótaryž cośo do wobłuka zapśimjeś.

2. Wubjeŕśo Zasajźiś – Wobłuk – Wobłuk….

Wobłuk wobźěłaś

• Aby wopśimjeśe wobłuka wobźěłał, klikniśo do wobłuka a pśewjeźćo swóje změny.

• Aby wobłuk wobźěłał, wubjeŕśo wobłuk, klikniśo z pšaweju tastu a wubjeŕśo pón na formatěrowańske nastajenje. Móžośo teke z pšaweju tastu na wubrany wobłuk kliknuś a Kakosći… wubraś.

• Aby wjelikosć wobłuka změnił, klikniśo na kšomu wobłuka a śěgniśo jadnu z kšomow abo rožkow wobłuka. Źaržćo tastu Umsch (⇧) tłoconu, mjaztym až śěgaśo, aby proporcije wobłuka wobchował.

Tekst njeśišćaś

Kuždy wobłuk Writer dajo se do modusa stajiś, kótaryž wam zmóžnja, se tekst na wobrazowce woglědaś, tekst pak chowa.

1. Wubjeŕśo wobłuk (wiźiśo wósym pśimkow).

2. Wubjeŕśo Format – Wobłuk a objekt – Kakosći… – rejtarik: Nastajenja.

3. Wótwónoźćo we wobceŕku Kakosći kokulku z kontrolnego kašćika Śišćaś a klikniśo na W pórěźe.

Wobłuki zwězaś

Móžośo wobłuki Writer zwězaś, aby jich wopśimjeśe awtomatiski wót jadnogo wobłuka do drugego běžy.

1. Klikniśo na kšomu wobłuka, kótaryž cośo zwězaś. Na kšomach wobłuka se wuběrańske pśimki zjawiju.

2. Klikniśo w symbolowej rědce Wobłuk na Wobłuki zwězaś .

3. Klikniśo na wobłuk, z kótarymž cośo zwězaś.

Móžośo jano wobłuki zwězaś, jolic:

• Celowy wobłuk jo prozny.

• Celowy wobłuk njejo z drugim wobłukom zwězany.

• Žrědłowe a celowe wobłuki su w samskem wótrězku. Njamóžośo na pśikład wobłuk w głowowej smužce z wobłukom w nogowej smužce zwězaś.

• Žrědłowy wobłuk pśiduce zwězanje njama.

• Celowy abo žrědłowy wobłuk njejo zašachtelikany.

Gaž zwězany wobłuk wuběraśo, se linija pokazujo, kótaraž zwězane wobłuki zwězujo.