Wjeliko- a małopisanje změniś

Móžośo wjeliko- a małopisanje změniś, tekst z kapitelkami formatěrowaś abo prědny pismik kuždego słowa we wuběrku z wjelikim zachopnym pismikom pisaś.

Symbol za Notica

Gaž formatěrowanje na swój tekst z pomocu Format – Znamuško… nałožujośo, tekst ten samski wóstawa, pokazujo se jano hynac. Gaž pak Format – Tekst abo Format – Tekst – Pisanje pśeměniś, se tekst na pśecej změnijo.


Tekst z wjelikimi pismikami pisaś

  1. Wubjeŕśo tekst, kótaryž cośo z wjelikimi pismikami pisaś.

  2. Pśewjeźćo jaden ze slědujucych kšacow:

    Wubjeŕśo Format – Tekst – WJELIKE PISMIKI.

    Wubjeŕśo Format – Znamuško…, klikniśo na rejtarik Pismowe efekty a wubjeŕśo typ wjelikopisanja w pólu Efekty. „WJELIKOPISANJE“ wšykne pismiki do wjelikich pismikow pśetwórjujo. „Kužde Słowo Z Wjelikim Pismikom Pisaś“ kužde słowo z wjelikim zachopnym pismikom pišo. „Kapitelki“ tekst z wjelikimi pismikami pišo, ale z mjeńšeju pismoweju wjelikosću.

Tekst do małopisanja změniś

  1. Wubjeŕśo tekst, kótaryž cośo z małymi pismikami pisaś.

  2. Pśewjeźćo jaden ze slědujucych kšacow:

    Wubjeŕśo Format – Tekst – małopisanje.

    Wubjeŕśo Format – Znamuško…, klikniśo na rejtarik Pismowe efekty a wubjeŕśo pón „małopisanje“ w pólu Efekty.

Pšosym pódprějśo nas!