Tekst animěrowaś

Móžośo jano tekst animěrowaś, kótaryž jo w kresleńskem objekśe wopśimjony, na pśikład w pšawokutach, linijach abo tekstowych objektach. Kresliśo na pśikład pšawokut, klikniśo pón dwójcy na pšawokut a zapódajśo swój tekst.

1. Wubjeŕśo kresleński objekt, kótaryž tekst wopśimujo, kótaryž cośo animěrowaś.

2. Wubjeŕśo Format – (Objekt) – Tekstowe atributy… a klikniśo pón na rejtarik Tekstowa animacija.

3. Wubjeŕśo w pólu Efekt póžedanu animaciju.

4. Nastajśo kakosći efekta a klikniśo pón na W pórěźe.