Wjelikosć smužkow a słupow w tekstowej tabeli změniś
Móžośo ako šyrokosć tabelowych celow a słupow tak teke wusokosć tabelowych smužkow změniś.
Šyrokosć słupow a celow změniś
Šyrokosć słupy změniś
Pśewjeźćo jaden ze slědujucych kšacow:
-
Wóstańśo z pokazowakom myški nad słupoweju źěleńskeju liniju, daniž se pokazowak do symbola źěleńskego znamuška njepśeměnijo a śěgniśo liniju do nowego městna.
-
Wóstańśo z pokazowakom myški nad słupoweju źěleńskeju liniju na linealu, daniž se pokazowak do symbola źěleńskego znamuška njepśeměnijo a śěgniśo liniju do nowego městna.
-
Źaržćo tastu cmd ⌘Strg tłoconu a klikniśo pón a śěgniśo liniju, aby wšykne cele napšawo wót linije abo nad liniju proporcionalnje skalěrował.
-
Stajśo kursor w celi w słupje, źaržćo tastu ⌥ optionAlt tłoconu a tłocćo pón lěwu abo pšawu šypowu tastu.
-
Aby wótkłon wót lěweje kšomy boka do kšomy tabele pówětšył, źaržćo tasće ⌥ optionAlt+Umsch (⇧) tłoconej a tłocćo tastu pšaweje šypki.
Móžośo zaźaržanje za šypowe tasty pódaś, gaž LibreOffice – NastajenjaRědy – Nastajenja… – LibreOffice Writer – Tabela wuběraśo a pón nastajenja, kótarež cośo we wobceŕku Tastaturowe wóźenje.
Šyrokosć cele změniś
Źaržćo cmd ⌘+⌥ optionStrg+Alt tłoconej a tłocćo tastu lěweje abo pšaweje šypki.
Wusokosć smužki změniś
Aby wusokosć smužki změnił, stajśo kursor do cele w smužce, źaržćo tastu ⌥ optionAlt tłoconu a tłocćo pón tastu šypka górjej ↑) abo šypka dołoj (↓).
Wjelikosć cełeje tabele změniś
Aby šyrokosć a wusokosć tabele změnił, wužywajśo jadnu ze slědujuceju móžnosćowu:
-
Klikniśo do tabele. Śěgniśo w linealach źěleńsku liniju mjazy běłym a šerym wobceŕkom, aby wjelikosć tabele změnił.
-
Klikniśo do tabele. Wubjeŕśo , aby dialog wócynił a kakosći na licby stajił.
Aby tekst na bokach tabele łamał, a dwě tabeli jadnu pódla drugeje rozrědował, musyśo tabeli do wobłuka stajiś. Klikniśo do tabele, tłocćo dwójcy cmd ⌘Strg+A, aby cełu tabelu wubrał a wubjeŕśo pón Zasajźiś – Wobłuk….
Tabele w bokach HTML połnu paletu kakosćow a pśikazow ako tabele w formaśe OpenDocument njebituju.