Pomoc za LibreOffice 24.8
Dajo někotare móžnosći, z kótarymiž móžośo tabelu w tekstowem dokumenśe napóraś. Móžośo tabelu ze symboloweje rědki, pśez menijowy pśikaz abo z tabelowego dokumenta zasajźiś.
Stajśo kursor w swójom dokumenśe na městno, źož cośo tabelu zasajźiś.
Klikniśo w rědce Standard abo Zasajźiś na šypku pódla symbola Tabela.
Śěgniśo w tabelowem kśidnje, aby licbu smužkow a słupow wubrał, kótarež cośo, a pušććo pótom.
Aby pśetergnuł, śěgniśo k drugemu bokoju, daniž se Pśetergnuś we wobceŕku pśeglěda kśidna njezjawijo.
Stajśo kursor w swójom dokumenśe na městno, źož cośo tabelu zasajźiś.
Wubjeŕśo Tabela – Tabelu zasajźiś….
Zapódajśo we wobceŕku Wjelikosć licbu smužkow a słupow.
Wubjeŕśo póžedane nastajenja a klikniśo na W pórěźe.
Wócyńśo tabelowy dokument LibreOffice Calc, kótaryž celowy wobceŕk wopśimujo, kótaryž cośo zasajźiś.
Śěgniśo w tabelowem dokumenśe, aby cele wubrał.
Wubjeŕśo Wobźěłaś – Kopěrowaś.
Wuwjeźćo w swójom tekstowem dokumenśe jaden ze slědujucych kšacow:
Wubjeŕśo Wobźěłaś – Zasajźiś. Celowy wobceŕk se ako OLE-objekt zasajźujo. Aby wopśimjeśe celow wobźěłał, klikniśo dwójcy na objekt.
Wubjeŕśo Wobźěłaś – Wopśimjeśe zasajźiś… a pón jadno ze slědujucych nastajenjow:
|
Nastajenja |
Zasajźujo se ako… |
|---|---|
|
Tabelowy dokument LibreOffice 24.8 |
OLE-objekt – z cmd ⌘Strg+V abo śěgnuś a pušćiś |
|
GDIMetaFile |
Grafika |
|
Bitmap |
Grafika |
|
HTML |
Tabela HTML |
|
Njeformatěrowany tekst |
Jano tekst, tabulatory ako źěleńske znamuška |
|
Sformatěrowany tekst [RTF] |
Tekstowa tabela |
|
DDE-wótkaz |
Tabelowa struktura a wopśimjeśe, bźez formatěrowanja. Z aktualizěrowanim |
Wócyńśo tabelowy dokument LibreOffice Calc, kótaryž celowy wobceŕk wopśimujo, kótaryž cośo zasajźiś.
Śěgniśo w tabelowem dokumenśe, aby cele wubrał.
Klikniśo a źaržćo tastu myški tłoconu we wubranych celach.
Śěgniśo wubrane cele do tekstowego dokumenta.