Nowe pśedłogi z wuběrkow napóraś

Nowu pśedłogu z manuelnje sformatěrowanego wuběrka napóraś

1. Wubjeŕśo Naglěd – Formatowe pśedłogi, aby wobceŕk Pśedłogi w bocnicy wócynił.

2. Klikniśo symbol górjejce we wobceŕku Pśedłogi za kategoriju pśedłogi noweje pśedłogi.

3. Klikniśo w dokumenśe, z kótaregož cośo pśedłogu kopěrowaś, na pśikład we wótstawku, na kótaryž sćo nałožył manuelne formatěrowanje.

4. Klikniśo na symbol menija Akcije pśedłogi górjejce napšawo we wobceŕku Pśedłogi a wubjeŕśo Nowa pśedłoga z wuběrka z pódmenija.

5. Zapódajśo mě za nowu pśedłogu w dialogowem pólu Nowa pśedłoga z wuběrka.

6. Klikniśo na W pórěźe.

Nowu pśedłogu pśez śěgnjenje a pušćenje napóraś

1. Wubjeŕśo Naglěd – Formatowe pśedłogi, aby wobceŕk Pśedłogi w bocnicy wócynił.

2. Klikniśo symbol górjejce we wobceŕku Pśedłogi za kategoriju pśedłogi noweje pśedłogi.

3. Wubjeŕśo za wótstawkowe, znamjenjowe a lisćinowe pśedłogi nanejmjenjej jadno znamuško w pśedłoze, kótarež cośo kopěrowaś, śěgniśo pón wuběrk do wobceŕka Pśedłogi a pušććo. Za wobłukowe pśedłogi wubjeŕśo wobłuk a źaržćo tastu myški tłoconu, daniž se symbol myški njezměnijo, śěgniśo pón wobceŕk Pśedłogi a pušććo.

   Abo móžośo wuběrk na wótpowědny symbol górjejce we wobceŕku Pśedłogi śěgnuś a pušćiś. Njetrjebaśo kategoriju pśedłogi do casa wócyniś.

4. Zapódajśo mě za nowu pśedłogu w dialogowem pólu Nowa pśedłoga z wuběrka.

Za pśedłogu boka a tabelowe pśedłogi musyśo meni Akcije pśedłogi górjejce napšawo we wobceŕku Pśedłogi wužywaś. Metoda śěgnjenje a pušćenje njejo móžna z toś tymi pśedłogami .