Pšawopis a gramatiku kontrolěrowaś
Móžośo pšawopis a gramatiku tekstowego wuběrka abo cełego dokumenta manuelnje kontrolěrowaś.
Aby pšawopis a gramatiku teksta kontrolěrował, muse wótpowědne słowniki instalěrowane byś. Za wjele rěcow tśi rozdźělne słowniki eksistěruju: pšawopisna kontrola, źělenje złožkow a tezawrus. Kuždy słownik jano jadnu rěc wopśimujo. Kontrole gramatiki daju se ako rozšyrjenja ześěgnuś a instalěrowaś. Glejśo webbok rozšyrjenjow (engelski).
Pšawopisna kontrola na aktualnej poziciji kursora zachopina, abo na zachopjeńku tekstowego wuběrka.
-
Klikniśo do dokumenta abo wubjeŕśo tekst, kótaryž cośo kontrolěrowaś.
-
Wubjeŕśo Rědy – Pšawopis….
-
Gaž se móžna pšawopisna zmólka namakajo, se dialog wócynijo a LibreOffice někotare naraźenja za korektury póbitujo.
-
Pśewjeźćo jaden ze slědujucych kšacow:
Aby naraźenje pśiwzeł, klikniśo na naraźenje a pón na Pórěźiś.
Wobźěłajśo tekst w tekstowem pólu górjejce a klikniśo pón na Pórěźiś.
Aby swójskemu słownikoju njeznate słowo pśidał, klikniśo na Słownikoju pśidaś.