Tekstowe dokumenty w formaśe HTML składowaś

Móžośo dokument LibreOffice Writer w formaśe HTML składowaś, aby se jen we webwobglědowaku woglědał. Jolic cośo, móžośo łamanje boka z wěstym nadpismowym wótstawkom zwězaś, aby separatny bok generěrował, kuždy raz, gaž se pśedłoga w dokumenśe zjawijo. LibreOffice Writer awtomatiski bok napórajo, kótaryž hyperwótkaze wopśimujo, kótarež na kuždu z toś tych bokow wótkazuju.

Gaž tekstowy dokument w formaśe HTML składujośo, se grafiki w dokumenśe do dokumenta HTML ako zasajźone datowe tšugi składuju. $[officenmae] wopytujo, originalny format grafikow wobchowaś, t.gr. wobraze JPEG abo wobraze SVG se ako take do HTML składuju.Wšykne druge grafikowe formaty se ako PNG składuju.

1. Nałožćo jadnu ze standardnych nadpismowych wótstawkowych pśedłogow LibreOffice, na pśikład „Nadpismo 1“, na wótstawki, źož cośo nowy bok HTML generěrowaś.

2. Wubjeŕśo Dataja – Pósłaś – HTML-dokument napóraś.

3. Wubjeŕśo w pólu Pśedłogi wótstawkowu pśedłogu, kótaruž cośo wužywaś, aby nowy bok HTML generěrował.

4. Zapódajśo sćažku a mě za dokument HTML a klikniśo pón na Składowaś.