Wótrězki wužywaś

Wótrězki su pómjenjone tekstowe bloki, inkluziwnje grafiki abo objekty, kótarež móžośo na rozdźělne wašnje wužywaś:

• Tekst pśeśiwo wobźěłanjeju šćitaś.

• Tekst pokazaś abo schowaś.

• Tekst a grafiki z drugich dokumentow LibreOffice wužywaś.

• Tekstowe wótrězki zasajźiś, kótarež druge słupowe wugótowanje ako aktualna pśedłoga boka wužywaju.

Wótrězk nanejmjenjej jaden wótstawk wopśimujo. Gaž tekst wuběraśo a wótrězk napórajośo, se awtomatiski wótstawkowe łamanje na kóńcu teksta zasajźijo.

Móžośo wótrězki z tekstowego dokumenta zasajźiś abo ceły tekstowy dokument ako wótrězk do drugego tekstowego dokumenta. Móžośo teke wótrězki z tekstowego dokumenta ako zwězanja do drugego tekstowego dokumenta abo do samskego dokumenta zasajźiś.

Wótrězki a słupy

Móžośo wótrězki do eksistěrujucego wótrězka zasajźiś. Móžośo na pśikład wótrězk, kótaryž dwa słupa wopśimujo, do wótrězka zasajźiś, kótaryž jaden słup wopśimujo.

Wugótowanje wótrězka, na pśikład licba słupow, ma prioritu nad wugótowanim boka, kótarež jo w pśedłoze boka definěrowane.