Wótrězki zasajźiś

Móžośo nowe wótrězki abo zwězanja z wótrězkami w drugich dokumentach do aktualnego dokumenta zasajźiś. Jolic wótrězk ako zwězanje zasajźujośo, se wopśimjeśe zwězanja změnijo, gaž žrědłowy dokument změnjaśo.

Nowy wótrězk zasajźiś

1. Klikniśo do swójogo dokumenta tam, źož cośo nowy wótrězk zasajźiś abo wubjeŕśo tekst, kótaryž cośo do wótrězka pśetwóriś.

   Jolic tekst wuběraśo, kótaryž we wótstawku wustupujo, se tekst awtomatiski do nowego wótstawka pśetwórijo.

2. Wubjeŕśo Zasajźiś – Wótrězk….

3. Zapódajśo w pólu Nowy wótrězk mě za wótrězk.

4. Póstajśo nastajenja za wótrězk a klikniśo pón na Zasajźiś.

Wótrězk ako zwězanje zasajźiś

Nježli až móžośo wótrězk ako zwězanje zasajźiś, musyśo nejpjerwjej wótrězki w žrědłowem dokumenśe napóraś.

Gaž dokument wócynjaśo, kótaryž zwězane wótrězki wopśimujo, LibreOffice was naspomina, wopśimjeśe wótrězkow aktualizěrowaś. Aby zwězanje manuelnje aktualizěrował, wubjeŕśo Rědy – Aktualizěrowaś – Zwězanja.

Móžośo teke zwězane wótrězki do HTML-dokumentow zasajźiś. Gaž se bok we webwobglědowaku woglědujośo, wopśimjeśe wótrězkow wopśimjeśeju wótrězkow wótpowědujo, kótarež jo eksistěrowało, gaž jo se HTML-dokument slědny raz składował.

1. Klikniśo w swójom dokumenśe tam, źož cośo zwězany wótrězk zasajźiś.

2. Wubjeŕśo Zasajźiś – Wótrězk….

3. Zapódajśo w pólu Nowy wótrězk mě za wótrězk.

4. Wubjeŕśo we wobceŕku Zwězanje kontrolny kašćik Zwězanje.

5. Klikniśo na tłocašk Pśepytaś… pódla póla Datajowe mě.

6. Pytajśo dokument, kótaryž wótrězk wopśimujo, na kótaryž cośo wótkazaś, a klikniśo pón na Zasajźiś.

7. Wubjeŕśo w pólu Wótrězk wótrězk, kótaryž cośo zasajźiś.

8. Klikniśo na Zasajźiś.