Prěcne pokazki zasajźiś

Prěcne pokazki wam zmóžnjaju, k wěstym tekstowym pasažam a objektam w jadnotliwem dokumenśe skócyś. Prěcna pokazka se z cela a pokaza zestaja, kótarejž se ako póli do dokumenta zasajźujotej.

Objekty z pópisanjami a cytańskimi znamjenjami daju se ako cele wužywaś.

Prěcne pokazki na tekst

Nježli až móžośo prěcnu pokazku zasajźiś, musyśo nejpjerwjej cele w swójom teksće pódaś.

Cel zasajźiś

1. Wubjeŕśo tekst, kótaryž cośo ako cel za prěcnu pokazku wužywaś.

2. Wubjeŕśo Zasajźiś – Prěcna pokazka….

3. Wubjeŕśo w lisćinje Typ „Pokazku nastajiś“.

4. Zapódajśo mě za cel w pólu Mě. Wubrany tekst se w pólu Gódnota pokažo.

5. Klikniśo na Zasajźiś. Mě cela se lisćinje Wuběrk pśidajo.

Wóstajśo dialog wócynjony a pśejźćo k pśiducemu wótrězkoju.

Prěcna pokazka na cel napóraś

1. Stajśo kursor w teksće, źož cośo prěcnu pokazku zasajźiś.

2. Wubjeŕśo Zasajźiś – Prěcna pokazka…, aby dialog wócynił, jolic hyšći njejo wócynjony.

3. Wubjeŕśo „Pokazku zasajźiś“ w lisćinje Typ.

4. Wubjeŕśo w lisćinje Wuběrk cel, na kótaryž ma prěcna pokazka wótkazaś.

5. Wubjeŕśo w lisćinje Pokazku wužywaś format za prěcnu pokazku. Format typ informacije pódawa, kótaryž se ako prěčna pokazka pokazujo. „Pokazka“ na pśikład celowy tekst zasajźujo, a „Bok“ numer boka, źož cel jo. Za nožki se numer nožki zasajźujo.

6. Klikniśo na Zasajźiś.

7. Klikniśo na Zacyniś, gaž sćo gótowy.

Prěcne pokazki na objekty

Móžośo na nejwěcej objektow w swójom dokumenśe, na pśikład grafiki, kresleńske objekty, OLE-objekty a tabele, prěcne pokazki napóraś, jolic pópisanje maju. Aby objektoju pópisanje pśidał, wubjeŕśo objekt a wubjeŕśo pón Zasajźiś – Pópisanje….

1. Klikniśo w dokumenśe, źož cośo prěcnu pokazku zasajźiś.

2. Wubjeŕśo Zasajźiś – Prěcna pokazka….

3. Wubjeŕśo w lisćinje Typ kategoriju pópisanja objekta.

4. Wubjeŕśo w lisćinje Wuběrk numer pópisanja objekta, na kótaryž cośo wótkazaś.

5. Wubjeŕśo w lisćinje Pokazku wužywaś format za prěcnu pokazku. Format typ informacije pódawa, kótaryž se ako prěcna pokazka pokazujo. „Pokazka“ na pśikład kategoriju pópisanja a tekst pópisanja objekta zasajźujo.

6. Klikniśo na Zasajźiś.

7. Klikniśo na Zacyniś, gaž sćo gótowy.

Prěcne pokazki aktualizěrowaś

Aby prěcne pokazki w dokumenśe manuelnje aktualizěrował, wubjeŕśo Rědy – Aktualizěrowaś –Póla z menija abo tłocćo F9.