Wopśimjeśe w LibreOffice Writer šćitaś

Slědujuce jo pśeglěd rozdźělnych móžnosćow, aby se wopśimjeśe w LibreOffice Writer pśed změnu abo lašowanim šćitał.

Wótrězki w LibreOffice Writer šćitaś

Kuždy wótrězk tekstowego dokumenta LibreOffice Writer dajo se pśed změnami a z opcionalnym gronidłom šćitaś.

Šćit zmóžniś

Informacije, kótarež se maju šćitaś, muse we wótrězku byś. Aby wótrězk napórał abo wubrał:

1. Jolic wótrězk njeeksistěrujo: Wubjeŕśo tekst a wubjeŕśo pón meni Zasajźiś – Wótrězk….

2. Jolic wótrězk južo eksistěrujo: Wubjeŕśo meni Format – Wótrězki… a wubjeŕśo wótrězk w lisćinje Wótrězk abo klikniśo z pšaweju tastu na wótrězk w Nawigatorje a wubjeŕśo Wobźěłaś….

Šćit zmóžniś

1. Jolic cośo wopśimjeśe bźez gronidła šćitaś, wubjeŕśo kontrolny kašćik Šćitaś we wótrězku Pisański šćit.

2. Jolic cośo šćit z gronidłom, wubjeŕśo kontrolnej kašćika Šćitaś a Z gronidłom a klikniśo na tłocašk Gronidło…. Zapódajśo a wobkšuśćo gronidło z nanejmjenjej pěś znamuškami.

Šćit změniś

Wubjeŕśo meni Format – Wótrězki… a wubjeŕśo wótrězk w lisćinje Wótrězk abo klikniśo z pšaweju tastu na wótrězk w Nawigatorje a wubjeŕśo Wobźěłaś….

1. Jolic šćit gronidło njama a cośo rady gronidło wužywaś, wubjeŕśo kontrolny kašćik Z gronidłom, klikniśo na tłocašk Gronidło a zapódajśo a wobkšuśćo gronidło z nanejmjenjej pěś znamuškami.

2. Jolic šćit ma gronidło a cośo jo wulašowaś, wótwónoźćo kokulku z póla Z gronidłom pód Pisański šćit a zapódajśo korektne gronidło.

3. Jolic wótrězk jo z gronidłom šćitany a cośo jo změniś, klikniśo na tłocašk Gronidło we woknje Wótrězki wobźěłaś a zapódajśo dwójcy korektne gronidło.

Šćit znjemóžniś

Wubjeŕśo meni Format – Wótrězki… a wubjeŕśo wótrězk w lisćinje Wótrězk abo klikniśo z pšaweju tastu na wótrězk w Nawigatorje a wubjeŕśo Wobźěłaś….

1. Jolic šćit gronidło njama, wótwónoźćo kokulku z póla Šćitaś pód Pisański šćit.

2. Jolic šcit ma gronidło, wótwónoźćo kokulku z póla Šćitaś pód Pisański šćit a zapódajśo korektne gronidło.

Cele w tabeli LibreOffice Writer šćitaś

Móžośo wopśimjeśe jadnotliwych tabelowych celow abo cełeje tabele w LibreOffice Writer pśed změnami šćitaś.

Šćit zmóžniś

1. Stajśo za jadnu celu abo za někotare cele kursor do cele abo wubjeŕśo trjebne cele. Wubjeŕśo Tabela – Cele šćitaś w menijowej rědce.

2. Wubjeŕśo za cełu tabelu tabelu a pón Tabela – Cele šćitaś w menijowej rědce.

Šćit znjemóžniś

1. Stajśo kursor do cele abo do wubranych celow a wubjeŕśo Tabela – Celowy šćit wótpóraś w menijowej rědce.

2. Klikniśo za cełu tabelu z pšaweju tastu na tabelu w Nawigatorje a wubjeŕśo Tabela – Šćit cele wótpóraś w kontekstowem meniju a wubjeŕśo Tabela – Šćit cele wótpóraś w menijowej rědce.

Šćit wopśimjeśa w zapisach wopśimjeśa a gronidłowych zapisach

Zapise wopśimjeśa a gronidłowe zapise, kótarež su se napórali w LibreOffice Writer, se awtomatiski pśed zmólnymi změnami šćitaju.

Šćit zmóžniś

1. Klikniśo z pšaweju tastu do gronidłowego zapisa abo zapisa wopśimjeśa. Wubjeŕśo Zapis wobźěłaś w kontekstowem meniju. Wubjeŕśo Pśeśiwo manuelnym změnam šćitany na rejtariku Typ.

2. Klikniśo z pšaweju tastu na gronidłowy zapis abo zapis wopśimjeśa w Nawigatorje a wubjeŕśo zapisk Zapis – Pśeśiwo pisanjeju šćitany.

Šćit znjemóžniś

1. Klikniśo z pšaweju tastu na gronidłowy zapis abo zapis wopśimjeśa. Wubjeŕśo Zapis wobźěłaś w kontekstowem meniju. Wótwónoźćo kokulku z Pśeśiwo manuelnym změnam šćitany na rejtariku Typ.

2. Klikniśo z pšaweju tastu do gronidłowego zapisa abo zapisa wopśimjeśa w Nawigatorje a wótwónoźćo kokulku pśed Zapis – Pśeśiwo pisanjeju šćitany.

Póla a zapółožki pśed změnami šćitaś

Wubjeŕśo Rědy – Dokument šćitaś – Póla šćitaś, aby wšykne póla pśed změnami šćitał. Wužywajśo toś ten šćit, aby zmólnym změnam w pólach zajźował.

Wubjeŕśo Rědy – Dokument šćitaś – Cytańske znamjenja šćitaś, aby wšykne cytańske znamjenja pśed změnami šćitał. Wužywajśo toś ten šćit, aby zmólnym změnam w cytańskich znamjenjach zajźował.

Šćit cełego dokumenta LibreOffice Writer pśed změnami.

Móžośo wopśimjeśe dokumenta LibreOffice Writer pśed změnami šćitaś, z jadnym ze slědujucych datajowych formatow: .doc, .docx, .odt, .ott.

Aby šćit cełego dokumenta zmóžnił, źiśo k – LibreOffice Writer – Kompatibelnosć a wubjeŕśo Formular šćitaś. Aby šćit znjemóžnił, wótwónoźćo kokulku z kontrolnego kašćika.