Wubraś, což se ma śišćaś

Móžośo jadnotliwe boki, wobceŕk boka abo wuběrk z dokumenta śišćaś.

Jadnotliwy bok śišćaś

  1. Wubjeŕśo Dataja – Śišćaś…, aby dialog Śišćaś wócynił.

  2. Wubjeŕśo we wótrězku Wobceŕk a kopije nastajenje Boki. Tekstowe pólo aktualnu licbu boka pokazujo.

  3. Zapódajśo numer boka, kótarež cośo śišćaś.

  4. Pólo Pśeglěd nalěwo wubrany bok pokazujo.

Wobceŕk bokow śišćaś

  1. Wubjeŕśo Dataja – Śišćaś…, aby dialog Śišćaś wócynił.

  2. Wubjeŕśo we wótrězku Wobceŕk a kopije nastajenje Boki. Tekstowe pólo aktualnu licbu boka pokazujo.

  3. Zapódajśo numery bokow, kótarež se maju śišćaś.

    • Wužywajśo - za wobceŕk bokow. 1-4 na pśikład wšykne boki wót 1 do 4 śišći.

    • Źělne wobceŕki su teke dowólone: -5 wšykne boki až do boka 5 śišći; 10- boki wót boka 10 do kóńca dokumenta śišći.

    • Wužywajśo , abo ; za lisćinu bokow. 1,3;7 na pśikład boka 1,3 a 7 śišći. Prozne znamjenja su opcionalne: 1, 3, 7 teke funkcioněrujo.

    • Teke kombinacije su móžne. 1, 3, 5-10, 15- boki 1, 3, 5 do 10 a 15 do kóńca dokumenta śišći.

  4. Pólo pśeglěd nalěwo wubrane boki pokazujo.

Wuběrk teksta abo grafiku śišćaś

  1. Wubjeŕśo wopśimjeśe, kótarež se ma śišćaś.

  2. Wubjeŕśo Dataja – Śišćaś…, aby dialog Śišćaś wócynił.

  3. Wubjeŕśo we wótrězku Wobceŕk a kopije nastajenje Wuběrk.

  4. Pólo pśeglěda wubrany material pokazujo.

Pšosym pódprějśo nas!