Brošuru śišćaś

Móžośo dokument Writer ako brošuru śišćaś. To se groni, Writer dwa boka na kuždem boku papjery śišći, aby wy, gaž papjeru złožujośo, dokument ako knigły cytaś.

Gaž dokument napórajośo, kótaryž cośo ako brošuru śišćaś, wužywajśo wusoki format za boki. Writer brošurowe wugótowanje nałožujo, gaž dokument śišćiśo.

LibreOffice njejo za śišćanje dokumenty w prěcnem formaśe ako brošuru póstajony, ale jo móžno, take dokumenty śišćaś.

Njejo móžno, wjeliki wobraz pśez dwa boka śišćaś. Rozrěžćo wobraz do dweju źělowu a zasajźćo kuždy źěl na rozdźělnyma bokoma.

Brošuru śišćaś

  1. Wubjeŕśo Dataja – Śišćaś….

  2. Klikniśo w dialogu Śišćaś na Kakosći….

  3. Stajśo w dialogu kakosćow za waš śišćak wusměrjenje papjery na prěcny format.

Symbol Tip

Jolic śišćak na wobyma bokoma śišći, a dokulaž se brošury pśecej w prěcnem formaśe śišće, wy měł nastajenje „Duplex“ w dialogu kakosćow swójogo śišćaka wužywaś.


  1. Wrośćo se do dialoga Śišćaś.

  2. Wubjeŕśo we wótrězku Wugótowanje boka Brošura.

  3. Pódajśo za śišćak, kótaryž awtomatiski na wobyma bokoma boka śišći, we wótrězku Wobceŕk a kopije, až se maju Njerowne a rowne boki zapśimjeś.

  1. Klikniśo na Śišćaś.

Jolic dokument we wusokem formaśe na boku w prěcnem formaśo śišćiśo, se dwa napśeśiwnej boka w brošurje jaden pódla drugego śišćitej. Jolic śišćak maśo, z kótarymž móžośo na wobej boka śišćaś, móžośo cełu brošuru ze swójogo dokumenta napóraś, bźez togo aby musał boki pózdźej sortěrowaś. Jolic śišćak maśo, z kótarymž móžośo jano na jeden bok śišćaś, móžośo to dojśpiś, gaž nejpjerwjej prědne boki ze zmóžnjonym nastajenim „Prědne boki/pšawe boki/njerowne boki“ śišćiśo, pón papjerowy štapjel zasej do swójogo śišćaka kłaźośo a wšykne slězne boki ze zmóžnjonym nastajenim „Slězne boki/lěwe boki/rowne boki“ śišćiśo.

Symbol za Notica

Jolic LibreOffice boki we wopacnem pórěźe śišći, wubjeŕśo W nawopacnem pórěźe śišćaś we wótrězku Wobceŕk a kopije a śišććo pón dokument znowego.


Pšosym pódprějśo nas!