Pśedłogi boka napóraś a nałožyś

LibreOffice pśedłogi boka wužywa, aby wugótowanje boka póstajił, mjazy nimi wusměrjenje boka, slězyna, kšomy, głowowe a nogowe smužki a tekstowe słupy. Aby wugótowanje jadnotliwego boka w dokumenśe změnił, musyśo swójsku pśedłogu boka napóraś a na bok nałožyś.

Nowu pśedłogu boku definěrowaś

1. Wubjeŕśo Naglěd – Formatowe pśedłogi.

2. Klikniśo na symbol Pśedłogi boka.

3. Klikniśo w lisćinje pśedłogow boka z pšaweju tastu zapisk a wubjeŕśo pón Nowy.

4. Zapódajśo na rejtariku Powšykne mě do póla Mě.

5. Pśewjeźćo jaden ze slědujucych kšacow:

• Aby swójsku pśedłogu boka na jadnotliwy bok nałožył, wubjeŕśo standardnu pśedłogu boka, kótaryž se we wašom dokumenśe wužywa, w pólu Pśiduca pśedłoga.

• Aby swójsku pśedłogu boka na někotare boki nałožył, wubjeŕśo ju w pólu Pśiduca pśedłoga. Až njeby wy pśedłogu wěcej wužywał, zasajźćo manuelne łamanje boka a pśipokažćo jomu drugu pśedłogu boka.

6. Wužywajśo rejtariki w dialogu, aby wugótowańske nastajenja za pśedłogu boka nastajił a klikniśo na W pórěźe.

Pśedłogu boka nałožyś

1. Klikniśo do boka, na kótaryž cośo pśedłogu boka nałožyś.

2. Pśewjeźćo jaden ze slědujucych kšacow:

• Wubjeŕśo Naglěd – Formatowe pśedłogi a klikniśo na symbol Pśedłoga boka.

  Klikniśo dwójcy na mě w lisćinje.

• Klikniśo z pšaweju tastu na pśedłogu boka w statusowej rědce. Wubjeŕśo drugu pśedłogu boka.

„Pśiducu pśedłogu“ pśedłogi boka manuelnje pśepisaś

1. Stajśo kursor mjazy bok z pśedłogu boka a bok z pśedłogu, kótaraž jo w Pśiduca pśedłoga pódana.

2. Klikniśo z pšaweju tastu a wubjeŕśo Łamanje boka wobźěłaś.

3. Wubjeŕśo kontrolny kašćik Z pśedłogu boka.

4. Zapódajśo pśedłogu boka, kótaraž se ma nałožyś.

Glejśo Manuelnje definěrowany wobceŕk pśedłogi boka.

Pśedłogu boka nowy bok nałožyś

1. Klikniśo w dokumenśe tam, źož nowy bok ma se zachopiś.

2. Wubjeŕśo Zasajźiś – Dalšne łamanja – Manuelne łamanje….

3. Wubjeŕśo Łamanje boka.

4. Wubjeŕśo w pólu Pśedłoga boka pśedłogu boka, kótaruž cośo na bok nałožyś, kótaraž manuelnemu łamanjeju slědujo.

5. Klikniśo na W pórěźe.