Wusměrjenje boka změniś

Wšykne kakosći boka za tekstowe dokumenty Writer, na pśikład wusměrjenje boka, se pśez pśedłogi boka definěruju. Pó standarźe nowy tekstowy dokument pśedłogu boka „Standard“ wužywa. Jolic eksistěrujucy tekstowy dokument wócynjaśo, su snaź južo rozdźělne pśedłogi boka na rozdźělne boki nałožone.

Jo wažnje wěźeś, až se změny, kótarež na kakosć boka nałožujośo, jano na boki wustatkuju, kótarež aktualnu pśedłogu boka wužywaju. Aktualna pśedłoga boka se w statusowej rědce na dolnej kšomje wokna pokazujo.

Wusměrjenje boka na wšykne boki nałožyś

Jolic se waš tekstowy dokument jano z bokow ze samskeju pśedłogu boka zestaja, móžośo kakosći boka direktnje změniś:

1. Wubjeŕśo Format – Pśedłoga boka….

2. Klikniśo na rejtarik Bok.

3. Wubjeŕśo pód Papjerowy format „Wusoki format“ abo „Prěcny format“.

4. Klikniśo na W pórěźe.

Wusměrjenje boka jano za někotare boki změniś

LibreOffice pśedłogi boka wužywa, aby wusměrjenje boka w dokumenśe póstajił. Pśedłogi boka wěcej kakosćow boka definěruju, ako na pśikład głowowu a nogowu smužku abo kšomy boka. Móžośo pak pśedłogu boka „Standard“ za aktualny dokument změniś, abo móžośo swójske pśedłogi boka definěrowaś a te pśedłogi boka na źěle swójogo teksta nałožyś.

Na kóńcu toś togo boka pomocy buźomy wobceŕk płaśiwosći pśedłogow boka nadrobnje diskutěrowaś. Jolic njejsćo se wěsty wó koncepśe pśedłogi boka, cytajśo pšosym wótrězk na kóńcu toś togo boka.

Aby wusměrjenje boka za wšykne boki změnił, kótarež samsku pśedłogu boka wužywaju, trjebaśo nejpjerwjej pśedłogu boka a móžośo pón tu pśedłogu nałožyś:

1. Wubjeŕśo Naglěd – Formatowe pśedłogi.

2. Klikniśo na symbol Pśedłogi boka.

3. Klikniśo z pšaweju tastu na pśedłogu boka a wubjeŕśo Nowy. Nowa pśedłoga boka wšykne kakosći wubraneje pśedłogi boka dostanjo.

4. Zapódajśo na rejtariku Powšykne mě za pśedłogu boka w pólu Mě, na pśikład „Mój prěcny format“.

5. Wubjeŕśo w pólu Pśiduca pśedłoga pśedłogu boka, kótaruž cośo na pśiducy bok nałožyś, kótaryž bokoju z noweju pśedłogu slědujo. Glejśo wótrězk wó wobceŕku płaśiwosći pśedłogow boka na kóńcu toś togo boka pomocy.

6. Klikniśo na rejtarik Bok.

7. Wubjeŕśo pód Papjerowy format „Wusoki format“ abo „Prěcny format“.

8. Klikniśo na W pórěźe.

Něnto sćo definěrował pśedłogu boka z mjenim „Mój prěcny format“. Aby nowu pśedłogu nałožył, klikniśo na nowu pśedłogu a klikniśo dwójcy na pśedłogu boka „Mój prěcny format“ we woknje Pśedłogi. Wšykne boki w aktualnem wobceŕku płaśiwosći pśedłogow boka se změniju. Jolic sćo definěrował drugu pśedłogu ako „pśiducu pśedłogu“, se jano prědny bok aktualnego wobceŕka płaśiwosći pśedłogow boka změnijo.

Malsnje mjazy wusokim a šyrokim formatom pśešaltowaś

Standardna dokumentowa pśedłoga, kótaruž LibreOffice Writer k dispoziciji staja, někotare pśedłogi boka bitujo, z kótarychž pśedłoga boka Standard ma wusměrjenje Wusoki format a pśedłoga boka Prěcny format wusměrjenje prěcny format.

Toś tej pśedłoze datej se wužywaś, aby mjazy wusokim a prěcnym formatom pśešaltowałej, gaž manuelne łamanja zasajźujośo a pśigódnu pśedłogu boka ako dołojce wopisane wuběraśo:

1. Stajśo kursor tam, źož se ma łamanje boka zasajźiś.

2. Wubjeŕśo Zasajźiś – Dalšne łamanja – Manuelne łamanje…. Dialog Łamanje zasajźiś se wócynijo.

3. Wubjeŕśo nastajenje Łamanje boka a we wuběrańskej lisćinje Pśedłoga boka pśedłogu boka, kótaraž se ma na bok za łamanim (pśedłoga boka Standard, prěcny format atd.) nałožyś.

4. Jolic nałožone musy se se na wěstym městnje w dokumenśe znowego změniś (na pśikład dokulaž cośo se wót prěcnego do wusokego formata wrośiś), stajśo kursor na toś to městno a wóspjetujśo do togo wopisane kšace.

Wobceŕk płaśiwosći pśedłogow boka

Jo wažnje, až wobceŕk płaśiwosći pśedłogow boka w %PRODUCTMAME znajośo. Kótare boki wašogo tekstowego dokumenta su pśez wobźěłowanje pśedłogi boki pótrjefjone?

Pśedłogi za jadnotliwy bok

Pśedłoga boka dajo se definěrowaś, kótaraž jano jaden bok wopśimujo. Pśedłoga „Prědny bok“ jo pśikład. Definěrujśo drugu pśedłogu boka ako „pśiducu pśedłogu“ na rejtariku Format – Pśedłoga boka… – Powšykne, aby toś tu kakosć nastajił.

Pśedłoga boka za jadnotliwy bok se wót dolneje kšomy wobceŕka aktualneje pśedłogi boka až k pśiducemu łamanjeju dosega. Pśiduce łamanje boka se awtomatiski zjawijo, gaž tekst do pśiducego boka běžy. Take łamanje se wótergi „měke łamanje boka“ pomjenjujo. Abo móžośo manuelne łamanje boka zasajźiś.

Aby manuelne łamanje boka na poziciji kursora zasajźił, tłocćo +Enter abo wubjerće Zasajźiś – Dalšne łamanja – Manuelne łamanje… a klikniśo jadnorje na W pórěźe.

Wobceŕk płaśiwosći za pśedłogu boka póstajiś

Pśedłoga boka „Standard“ na Format – Pśedłoga boka… – rejtarik: Powšykne drugu „pśiducu pśedłogu“ njenastaja. Město togo se „pśiduca pśedłoga“ teke na „Standard“ staja. Wšykne pśedłogi boka, kótarymž samska pśedłoga boka slědujo, móžo někotare boki wopśimjeś. Niše a wuše ramiki wobceŕka pśedłogi boka se pśez „łamanja boka z pśedłogu“ definěruju. Wšykne boki mjazy dwěma „łamanjoma boka z pśedłogu“ samsku pśedłogu boka wužywaju.

Móžośo „łamanje boka z pśedłogu“ direktnje na poziciji kursora zasajźiś. Abo móžośo kakosć „łamanje boka z pśedłogu“ na wótstawk abo wótstawkowu pśedłogu nałožyś.

Wuwjeźćo jaden ze slědujucych kšacow:

• Aby „łamanje boka z pśedłogu“ na poziciji kursora zasajźił, wubjeŕśo Zasajźiś – Manuelne łamanje…, pótom mě pśedłogi z lisćinowego póla a klikniś na W pórěźe.

• Aby kakosć „łamanje boka z pśedłogu“ na aktualny wótstawk nałožył, wubjeŕśo Format – Wótstawk… – rejtarik: tekstowy běg. Aktiwěrujśo we wobceŕku łamanjow Zasajźiś a Z pśedłogu boka. Wubjeŕśo mě pśedłogi boka z lisćinowego póla.

• Aby kakosć „łamanje boka z pśedłogu“ na aktualnu wótstawkowu pśedłogu nałožył, klikniśo z pšaweju tastu na aktualny wótstawk. Wubjeŕśo Wótstawkowu pśedłogu wobźěłaś z kontekstowego menija. Klikniśo na rejtarik Tekstowy běg. Aktiwěrujśo we wobceŕku łamanjow Zasajźiś a Z pśedłogu boka. Wubjeŕśo mě pśedłogi boka z lisćinowego póla.

• Aby kakosć „łamanje boka z pśedłogu“ na někakužkuli wótstawkowu pśedłogu nałožył, wubjeŕśo Naglěd – Formatowe pśedłogi. Klikniśo na symbol Wótstawkowe pśedłogi. Klikniśo z pšaweju tastu na mě wótstawkoweje pśedłogi, kótaruž cośo změniś a wubjeŕśo Pśedłogu wobźěłaś…. Klikniśo pón na rejtarik Tekstowy běg. Aktiwěrujśo we wobceŕku łamanjow Zasajźiś a Z pśedłogu boka. Wubjeŕśo mě pśedłogi boka z lisćinowego póla.