Licby bokow

We Writer licba boka jo pólo, kótarež móžośo do swójogo teksta zasajźiś.

Licbu boka malsnje do głowoweje abo nogoweje smužki pśedłogi strony zasajźiś

Wubjeŕśo Zasajźiś – Numer boka…, aby dialog wocynił, kótaryž was pśez zasajźowanje numera boka do aktualneje głowoweje abo nogoweje smužki pśedłogi boka a pśez nastajenje wusměrjenja numera boka wjeźo.

Numery boka zasajźiś

Wubjeŕśo Zasajźiś – Pólo – Numer boka, aby numer boka na aktualnej poziciji kursora zasajźił.

Toś te póla pak swóju poziciju změniju, gaž tekst pśidawaśo abo wótwónoźujośo. Jo togodla nejlěpjej, pólo numera boka do głowoweje abo nogoweje smužk zasajźiś, kótaraž ma samsku poziciju a kótaraž se na kuždem boku wóspjetujo.

Wubjeŕśo Zasajźiś – Głowowa a nogowa smužka – głowowa smužka – (mě pśedłogi boka) abo Zasajźiś – Głowowa a nogowa smužka – Nogowa smužka – (mě pśedłogi boka), aby wšym bokam z aktualneju pśedłogu boka głowowu abo nogowu smužku pśidał.

Z wěstym numerom boka zachopiś

Něnto cośo lěpšu kontrolu nad licbami boka. Pišośo tekstowy dokument, kótaryž měł se z numerom boka 12 zachopiś.

1. Klikniśo do prědnego wótstawka swójogo dokumenta.

2. Wubjeŕśo Format – Wótstawk… – rejtarik: Tekstowy běg.

3. Zmóžniśo we wobceŕku Łamanja Zasajźiś. Zmóžniśo Z pśedłogu boka, aby mógał nowy numer boka nastajił. Klikniśo na W pórěźe.

Format numera boka wubraś

Cośo romske licby ako i, ii, iii, iv a tak dalej ako licby bokow wužywaś.

1. Klikniśo dwójcy direktnje pśed pólom numera boka. Wiźiśo dialog Póla wobźěłaś.

2. Wubjeŕśo licbowy format a klikniśo na W pórěźe.

Rozdźělne formaty licbow boka w głowowych a nogowych smužkach wužywaś

Trjebaśo někotare boki z formatěrowanim w romskich licbach, slědowanym pśez zbytne boki w drugem formaśe.

We Writer trjebaśo rozdźělne pśedłogi boka. Prědna pśedłoga boka ma nogowu smužku z pólom numera boka, kótarež jo z romskimi licbami sformatěrowane. Slědujuca pśedłoga boka ma nogowu smužku z pólom numera boka, kótarež jo z drugim naglědom sformatěrowane.

Wobej pśedłoze boka musytej se pśez łamanje boka źěliś. We Writer dajo awtomatiske łamanja boka a manuelnje zasajźone łamanja boka.

• Awtomatiske łamanje boka se na kóńcu boku zjawijo, gaž pśedłoga boka ma drugu „pśiducu pśedłogu“.

  Pśedłoga boka „Prědny bok“ na pśikład ma pśedłogu boka „Standard“ ako pśiducu pśedłogu. Aby to wiźeł, tłocćo , aby wokno Pśedłogi wócynił, klikniśo na symbol Pśedłogi boka, klikniśo z pšaweju tastu na zapisk „Prědny bok“. Wubjeŕśo Pśedłogu wobźěłaś… z kontekstowego menija. Na rejtariku Powšykne móžośo „pśiducu pśedłogu“ wiźeś.

• Manuelnje zasajźone łamanje boka dajo se ze změnu abo bźeze změny pśedłogow boka nałožyś.

  Jolic jadnorje tłocyśo, nałožujośo łamanje bak, bźez togo aby pśedłogi změnił.

  Jolic Zasajźiś – Dalšne łamanja – Manuelne łamanje… zasajźujośo, móžośo łamanje boka zasajźiś, bźez togo aby se pśedłoga změniła abo aby pśedłogu změnił, abo aby se numer boka změnił.

Wótwisujo wót wašogo dokumenta, což jo nejlěpše: manuelnje zasajźone łamanje mjazy pśedłogami boka wužywaś, abo awtomatisku změnu wužywaś. Jolic jadnorje jadnu titelowy bok z drugeju pśedłogu ako druge boki trjebaśo, móžośo awtomatisku metodu wužywaś:

Drugu pśedłogu boka na prědny bok nałožyś

1. Klikniśo do prědnego boka swójogo dokumenta.

2. Wubjeŕśo Naglěd – Formatowe pśedłogi (abo tłocćo ).

3. Klikniśo we woknje Pśedłogi na symbol Pśedłogi boka.

4. Klikniśo dwójcy na pśedłogu „Prědny bok“.

Waš titelowy bok něnto pśedłogu „Prědny bok“ ma a pśiduce boki awtomatiski pśedłogu „Standard“ maju.

Móžośo něnto na pśikład nogowu smužku jano za pśedłogu „Standard“ zasajźiś abo nogowe smužki do wobeju pśedłogowu boka zasajźiś, ale z rozdźělnje sformatěrowanymi pólami licbow boka.

Manuelnje zasajźonu pśedłogu boka změniś

1. Klikniśo na zachopjeńk prědnego wótstawka na boku, źož se ma pśedłoga boka nałožyś.

2. Wubjeŕśo Zasajźiś – Dalšne łamanja – Manuelne łamanje…. Dialog Łamanje zasajźiś se wócynijo.

3. Wubjeŕśo w lisćinowem pólu Pśedłoga pśedłogu boka. Móžośo teke nowy numer boka nastajiś. Klikniśo na W pórěźe.

Wubrana pśedłoga boka se wót aktualnego wótstawka do pśiducego łamanja z pśedłogu wužywa. Musyśo snaź nejpjerwjej nowu pśedłogu boka napóraś.