Slězynu boka změniś

LibreOffice pśedłogi boka wužywa, aby slězyna bokow w dokumenśe pódał. Aby na pśikład slězynu boka jadnomu bokoju abo někotarych bokow w dokumenśe do wódowego znamjenja změnił, musyśo pśedłogu boka napóraś, kótaraž slězynu wódowego znamjenja wužywa a pótom pśedłogu boka na boki nałožyś.

Slězynu boka změniś

1. Wubjeŕśo Naglěd – Formatowe pśedłogi abo tłocćo .

2. Klikniśo na symbol Pśedłogi boka.

3. Klikniśo w lisćinje pśedłogow boka z pšaweju tastu zapisk a wubjeŕśo pón Nowy.

4. Zapódajśo w rejtariku Powšykne mě za pśedłogu boka w pólu Mě.

5. Wubjeŕśo w pólu Pśiduca pśedłoga pśedłogu boka, kótaruž cośo na pśiducy bok nałožyś.

• Aby nowu pśedłogu boka jano na jadnučki bok nałožył, wubjeŕśo „Standard“.

• Aby nowu pśedłogu boka na wšykne naslědne boki nałožył, wubjeŕśo mě noweje pśedłogi boka.

6. Klikniśo na rejtarik Płonina.

7. Wubjeŕśo, lěc cośo jadnu barwu abo grafiku. Wubjeŕśo pón swóje nastajenja z rejtarika.

8. Klikniśo na W pórěźe.

Slězynu boka wšych bokow w dokumenśe změniś

Nježli až zachopijośo, zawěsććo, až sćo pśedłogu boka napórał, kótaraž slězynu boka wužywa. Glejśo Slězynu boka změniś za podrobnosće.

1. Wubjeŕśo Naglěd – Formatowe pśedłogi abo tłocćo .

2. Klikniśo na symbol Pśedłogi boka.

3. Klikniśo dwójcy na pśedłogu boka, kótaraž slězynu boka wužywa, kótaruž cośo nałožyś.

Rozdźělne slězyny boka w samskem dokumenśe wužywaś

Nježli až zachopijośo, zawěsććo, až sćo pśedłogu boka napórał, kótaraž slězynu boka wužywa. Glejśo Slězynu boka změniś za podrobnosće.

1. Klikniśo pśed prědnym znamuškom wótstawka na městnje, źož cośo slězynu boka změniś.

2. Wubjeŕśo Zasajźiś – Manuelne łamanje.

3. Wubjeŕśo Łamanje boka.

4. Wubjeŕśo w pólu Pśedłoga pśedłogu boka, kótaruž slězynu boka wužywa.

• Aby jano slězynu aktualnego boka změnił, wubjeŕśo pśedłogu boka, źož jo nastajenje „Pśiduca pśedłoga“ na „Standard“ stajone.

• Aby slězynu aktualnego boka a naslědnych bokow změnił, wubjeŕśo pśedłogu boka, źož jo nastajenje Pśiduca pśedłoga na mě pśedłogi boka stajone.

  Jolic cośo slězynu boka pózdźej hyšći raz změniś, wóspjetujśo kšace 1 do 3.

5. Klikniśo na W pórěźe.