Smužkowe numery pśidaś

LibreOffice móžo smužkowe numery do cełego dokumenta abo do wubranych wótstawkow we wašom dokumenśe zasajźiś. Smužkowe numery se z dokumentom sobu śišće. Móžośo interwal za smužkowe numerěrowanje a zachopne smužkowy numer pódaś a, lěc se maju prozne smužki abo smužki we wobłukach sobu licyś. Móžośo teke źěleńske znamuško mjazy smužkowymi numerami zasajźiś.

Cełemu dokumentoju smužkowe numery pśidaś

1. Wubjeŕśo Rědy – Smužkowe numerěrowanje….

2. Wubjeŕśo Numerěrowanje pokazaś a wubjeŕśo pón póžedane nastajenja.

3. Klikniśo na W pórěźe.

Wěstym wótstawkam smužkowe numery pśidaś

1. Wubjeŕśo Rědy – Smužkowe numerěrowanje….

2. Wubjeŕśo Numerěrowanje pokazaś.

3. Tłocćo , aby wokno Pśedłogi wócynił a klikniśo na symbol Wótstawkowe pśedłogi.

4. Klikniśo z pšaweju tastu na wótstawkowu pśedłogu „Standard“ a wubjeŕśo Změniś.

   Wšykne wótstawkowe pśedłogi na pśedłoze „Standard“ bazěruju.

5. Klikniśo na rejtarik Rozrědowanje a lisćina.

6. Znjemóžniśo we wobceŕku Numerěrowanje smužkow kontrolny kašćik Toś ten wótstawk do numerěrowanja smužkow zapśimjeś.

7. Klikniśo na W pórěźe.

8. Wubjeŕśo wótstawki, źož cośo smužkowe numery pśidaś.

9. Wubjeŕśo Format – Wótstawk…, a klikniśo pón na rejtarik Rozrědowanje a lisćina tab.

10. Wubjeŕśo Toś ten wótstawk do numerěrowanja smužkow zapśimjeś.

11. Klikniśo na W pórěźe.

Móžośo teke wótstawkowu pśedłogu napóraś, kótaraž numerěrowanje smužkow wopśimujo a ju na wótstawki nałožyś, kótarymž cośo smužkowe numery pśidaś.

Zachopne smužkowy numer póstajiś

1. Klikniśo do wótstawka.

2. Wubjeŕśo Format – Wótstawk… a klikniśo pón na rejtarik Rozrědowanje a lisćina.

3. Wubjeŕśo kontrolny kašćik Toś ten wótstawk do numerěrowanja smužkow zapśimjeś.

4. Wubjeŕśo kontrolny kašćik Póla toś togo wótstawka znowego zachopiś.

5. Zapódajśo smužkowy numer do póla Zachopiś z.

6. Klikniśo na W pórěźe.