Z datajami markdown (.md) źěłaś

LibreOffice Writer móžo dataje w datajowem formaśe markdown (.md) wócyniś a składowaś ako teke wopśimjeśe markdown do tekstowego dokumenta zasajźiś.

Markdown jo jadnora wóznamjeńska rěc, kótaraž wam zmóžnja, tekst z pomocu jadnoreje syntakse formatěrowaś. Wužywa se cesto za pisanje dokumentacijow, datajow README, forumowych pśinoskow a samo někotarych mejlkow.

Dataju markdown wócyniś

1. Wubjeŕśo Dataja – Wócyniś….

2. Pytajśo za dataju markdown, kótaruž cośo wócyniś.

   Jolic dataja ma kóńcowku *.md, wubjeŕśo dataju.

   Jolic dataja markdown ma drugu kóńcowku, wubjeŕśo dataju a pón „Dokument Markdown (.md, .markdown)“ w pólu Datajowy typ

3. Klikniśo na Wócyniś.

Dataju w formaśe Markdown składowaś

1. Wócyńśo tekstowy dokument, kótaryž cośo ako dataja Markdown składowaś.

2. Wubjeŕśo Dataja – Składowaś ako….

3. Zapódajśo w pólu Datajowe mě mě za dataju.

4. Wubjeŕśo „Dokument Markdown (.md)“ w pólu Datajowy typ.

5. Klikniśo na Składowaś.

Wopśimjeśe markdown do tekstowego dokumenta LibreOffice zasajźiś.

Móžośo wopśimjeśe Markdown direktnje do dokumenta LibreOffice Writer zasajźiś. Writer wótpowědne pśedłogi inteligentnje nałožujo; pśipokazujo awtomatiski wótstawkowe, lisćinowe a znamjenjowe formatěrowanje z pomocu awtomatiskich (standardnych) pśedłogow.

Dataju markdown z pomocu pśikazoweje smužki wócyniś

Móžośo dataju Markdown z pśikazoweje linki wócynić a dokumentowu pśedłogu awtomatiski nałožyś, aby tekstowy dokument ze swójskim formatěrowanim generěrował. Zapódajśo slědujucy pśikaz do pśikazoweje smužki swójogo źěłowego systema, aby dataju dokumentoweje pśedłogi template.ott na dataju test.md nałožył:

soffice --infilter='Markdown:{"TemplateURL":{"type":"string","value":"./template.ott"}}' test.md