Diagram Calc do tekstowego dokumenta zasajźiś

Móžośo kopiju diagrama zasajźiś, kótaraž se njeaktualizěrujo, gaž diagramowe daty w tabelowem dokumenśe změnjaśo.

1. Wócyńśo tekstowy dokument, do kótaregož cośo diagram kopěrowaś.

2. Wócyńśo tabelowy dokument, kótaryž diagram wopśimujo, kótaryž cośo kopěrowaś.

3. Klikniśo w tabelowem dokumenśe na diagram. Wósym pśimkow se zjawijo.

4. Śěgniśo diagram z tabelowego dokumenta do tekstowego dokumenta.

Móžośo w tekstowem dokumenśe wjelikosć diagrama změniś a jen ako druge objekty pśesunuś. Aby diagramowe daty wobźěłał, klikniśo dwójcy na diagram.