Zapis wopśimjeśa napóraś
Nejlěpša móžnosć zapis wopśimjeśa generěrowaś jo nałožowanje pśeddefiněrowanych wótstawkowych pśedłogow za nadpisma, na pśikład „Nadpismo 1“, na wótstawki, kótarež cośo do swójogo zapisa wopśimjeśa pśewześ. Za tym až sćo nałožył toś te pśedłogi, móžośo zapis wopśimjeśa napóraś.
Zapis wopśimjeśa zasajźiś
-
Klikniśo do swójogo dokumenta, źož cośo zapis wopśimjeśa napóraś.
-
Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury… a klikniśo pón na rejtarik Typ.
-
Wubjeŕśo „Zapis wopśimjeśa“ w pólu Typ.
-
Wubjeŕśo póžedane nastajenja.
-
Klikniśo na W pórěźe.
Jolic cośo drugu wótstawkowu pśedłogu ako zapisk zapisa wopśimjeś wužywaś, wubjeŕśo kontrolny kašćik we wobceŕku a klikniśo pón na tłocašk pódla kontrolnego kašćika. Klikniśo w dialogu na pśedłogu w lisćinje a pón na zapisowu rowninu za wubranu pśedłogu.
LibreOffice zapiski zapisa wopśimjeś na zakłaźe rozrědowańskeje rowniny wótstawkoweje pśedłogi a wótstawkowego wopśimjeśa napórajo. Jolic wótstawk jo prozny, njepśewzejo se do zapisa wopśimjeśa. Aby wunuzkał, až se prozny wótstawk w zapisu wopśimjeśa nalicyjo, zasajźćo prozne znamje abo šćitane prozne znamje do wótstawka. Prozne znamjenja, kótarež su se do tekstowego póla Za rejtarika Numerěrowanje w dialogu kapitlowego numerěrowanja zapódali, za toś ten zaměr njefunkcioněruju, dokulaž su źěl wótstawkowego numerěrowanja, nic wótstawkowego wopśimjeśa.
Zapis wopśimjeśa aktualizěrowaś
Pśewjeźćo jaden ze slědujucych kšacow:
-
Klikniśo z pšaweju tastu do zapisa wopśimjeśa a wubjeŕśo Gronidłowy zapis abo zapis wopśimjeśa aktualizěrowaś.
-
Wubjeŕśo Rědy – Aktualizěrowaś – Zapise.