Gronidłowe zapise załožyś

1. Klikniśo w swójom dokumenśe tam, źož cośo zapis zasajźiś.

2. Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury….

3. Wubjeŕśo w rejtariku Typ „Gronidłowy zapis“ w pólu Typ.

4. Jolic cośo dataju konkordance wužywaś, wubjeŕśo Dataja konkordance we wobceŕku Nastajenja, klikniśo na tłocašk Dataja a pytajśo pón eksistěrujucu dataju abo napórajśo nowu dataju konkordance.

5. Póstajśo formatěrowańske nastajenja za gronidłowy zapis, pak na aktualnem rejtariku pak na drugich rejtarikach toś togo dialoga. Jolic na pśikład cośo jadnotliwe pismiki ako nadpisma w swójom gronidłowem zapisu wužywaś, klikniśo na rejtarik Zapiski a wubjeŕśo pón Alfabetiske źěleńske znamuško. Aby formatěrowanje rowninow w gronidłowem zapisu změnił, klikniśo na rejtarik Pśedłogi.

6. Klikniśo na W pórěźe.

7. Aby gronidłowy zapis aktualizěrował, klikniśo z pšaweju tastu na gronidłowy zapis a wubjeŕśo pón Zapis aktualizěrowaś.