Wótstawki zasunuś

Móžośo zasunjenja za aktualny wótstawk, za wšykne wubrane wótstawki abo za wótstawkowu pśedłogu změniś.

• Wubjeŕśo Format – Wótstawk… – rejtarik: Zasunjenja a wótkłon, aby zasunjenja za aktualny wótstawk abo za wšykne wubrane wótstawki změnił. Móžośo teke zasunjenja z linealom nastajiś.

• Klikniśo z pšaweju tastu na wótstawk a wubjeŕśo Wótstawk – Pśedłogu wobźěłaś – rejtarik: Zasunjenja a wókłon, aby zasunjenja za wšykne wótstawki změnił, kótarež samsku wótstawkowu pśedłogu maju.

Zasunjenja pozicioněrowaś

Zasunjenja se z lěweje a pšaweje kšomy boka wulicuju. Jolic cośo wótstawk wušej kšomy boka rozšyriś, zapódajśo negatiwnu licbu.

Zasunjenja wót pisańskego směra wótwisuju. Glědajśo na pśikład na gódnotu zasunjenja Pśed tekstom w rěcach z pisańskim směrom dopšawa. Lěwa kšoma wótstawka se pó lěwej kšomje boka zasuwa. W rěcach z pisańskim směrom dolěwa se pšawa kšoma wótstawka pó pšawej kšomje boka zasuwa.

Wisate zasunjenja

Zapódajśo za wisate zasunjenje pozitiwnu gódnotu za Pśed tekstom a negatiwnu gódnotu za Prědna smužka.

Symbol Wisate zasunjenje jo we wótrězku „Wótstawk“ bocnicy „Kakosći“. Klikniśo na toś ten symbol, aby gódnośe Pśed tekstom a Prědna smužka pśešaltował. To wam zmóžnja, wótstawk mjazy zasunjoneju prědneju smužku a wisatym zasunjenim pśešaltowaś.

Aby wisate zasunjenje napórał: Zapódajśo zasunjenje za prědnu smužku, źož móžośo zasunjenje zachopiś a klikniśo pón na symbol za wisate zasunjenje, aby wisate zasunjenje napórał.

Pśikaz Wisate zasunjenje dajo se symbolowej rědce ako tłocašk, zapisk w meniju abo w kontekstowem meniju abo ako tastowa skrotconka pśidaś.