Źělenjeju złožkow za wěste słowa zajźowaś

Jolic za waš tekst awtomatiske źělenje złožkow jo zmóžnjone a wěste słowa njerědne wuglědaju, abo jolic njocośo wěste słowa nigda źěliś, móžośo źělenje złožkow za toś te słowa znjemóžniś:

1. Wubjeŕśo – Rěcy a narodne šemy – Rěcne pomocne srědki

2. Wubjeŕśo słownik w lisćinje Wužywaŕske słowniki a klikniśo pón na Wobźěłaś….

   Jolic lisćina jo prozna, klikniśo na Nowy…, aby słownik załožył.

3. Zapódajśo w pólu Słowo słowo, kótarež cośo ze źělenja złožkow wuzamknuś, slědowane pśez znamuško rownosći (=), na pśikład „pretenciozny=“.

4. Klikniśo na Nowy… a pón na Zacyniś.

Někotare słowa wósebne znamuška wopśimuju, z kótarymiž LibreOffice ako ze źěleńskim znamuškom wobchada. Jolic źělenje złožkow za take słowa njocośo, móžośo wósebny kod zasajźiś, kótaryž źělenjeju złožkow na tej poziciji zajźujo, źož se wósebny kod zasajźujo. Póstupujśo ako slědujo:

1. Stajśo kursor na městno, źož se njama źělenje złožkow pśewjasć.

2. Wubjeŕśo Zasajźiś – Formatěrowańske znamuško – Słowny zwězowak.

   Zasajźone formatěrowańske znamuško se šere zwobraznjujo. Aby jo wótwónoźeł, stajśo jadnorje kursor nad formatěrowańske znamuško a tłocćo tastu Entf.