Hyperwótkaze z Nawigatorom zasajźiś

Móžośo prěcnu pokazku z pomocu Nawigatora ako hyperwótkaz do swójogo dokumenta zasajźiś. Móžośo samo prěcne pokazki na zapiski z drugich dokumentow LibreOffice napóraś. Jolic na hyperwótkaz klikaśo, gaž se dokument w LibreOffice wócynja, dostanjośo se k zapiskoju, na kótaryž se prěcna pokazka póśěgujo.

1. Wócyńśo jaden dokument abo někotare dokumenty, kótarež zapiski wopśimuju, na kótarež cośo se póśěgowaś.

2. Klikniśo w symbolowej rědce Standard na symbol Nawigator.

3. Klikniśo na šypku pódla symbola Śěgnity modus a zawěsććo, až nastajenje Ako hyperwótkaz zasajźiś jo wubrane.

4. Wubjeŕśo dołojce w lisćinje Nawigatora dokument, kótaryž zapisk wopśimujo, za kótaryž cośo prěcnu pokazku załožyś.

5. Klikniśo w lisćinje Nawigatora na plusowe znamuško pódla zapiska, kótaryž cośo ako hyperwótkaz zasajźiś.

6. Śěgniśo zapisk tam, źož cośo hyperwótkaz w dokumenśe zasajźiś.

Mě zapiska se do dokumenta ako pódšmarnjony hyperwótkaz zasajźujo.