Kapitlowe mě a kapitlowy numer do głowoweje abo nogoweje smužki zasajźiś

Nježli až móžośo kapitlowe informacije do głowoweje abo nogoweje smužki zasajźiś, musyśo nejpjerwjej nastajenja za numerěrowanje kapitlow za wótstawkowu pśedłogu póstajiś, kótaruž cośo za kapitlowe titele wužywaś.

Wótstawkowu pśedłogu za kapitlowe titele pśigótowaś

1. Wubjeŕśo Rědy – Nadpismowe numerěrowanje… – rejtarik: Numerěrowanje.

2. Wubjeŕśo w pólu Rownina 1.

3. Wubjeŕśo w pólu Wótstawkowa pśedłoga wótstawkowu pśedłogu, kótaruž cośo za kapitlowe titele wužywaś, na pśikład Nadpismo 1.

4. Wubjeŕśo numerěrowańsku šemu za kapitlowe titele w pólu Numer, na pśikład 1, 2, 3, ….

5. Zapódajśo Kapitel, slědowany wót proznego znamjenja, do póla Pśed.

6. Zapódajśo prozne znamje do póla Za.

7. Klikniśo na W pórěźe.

Kapitlowe mě a kapitlowy numer do głowoweje abo nogoweje smužki zasajźiś

1. Nałožćo wótstawkowu pśedłogu, kótaruž sćo definěrował za kapitlowe titele, na kapitlowe nadpisma w swójom dokumenśe.

2. Wubjeŕśo Zasajźiś – Głowowa a nogowa smužka – Głowowa smužka abo Zasajźiś – Głowowa a nogowa smužka – Nogowa smužka a wubjeŕśo pón pśedłogu boka za aktualny bok z pódmenija.

3. Klikniśo w głowowej abo w nogowej smužce.

4. Wubjeŕśo Zasajźiś – Pólo – Dalšne póla… a klikniśo na rejtarik Dokument.

5. Klikniśo na Nadpismo w lisćinje Typ, Numer a wopśimjeśe nadpisma w lisćinje Format a 1 w Až do rowniny.

6. Klikniśo na Zasajźiś a pón na Zacyniś.

Głowowa smužka na kuždem boku, kótaryž aktualnu pśedłogu boka wužywa, kapitlowe mě a kapitlowy numer awtomatiski pokazujo.