Rozdźělne głowowe a nogowe smužki definěrowaś

Móžośo rozdźělne głowowe a nogowe smužki na rozdźělnych bokach w swójom dokumenśe wužywaś, gaž boki rozdźělne pśedłogi boka wužywaju. LibreOffice staja někotare pśeddefiněrowane pśedłogi boka k dispoziciji, na pśikład Prědny bok, Lěwy bok a Pšawy bok, ale móžośo teke swójsku pśedłogu boka napóraś.

Móžośo teke wótbłyšćowane wugótowanje boka wužywaś, jolic cośo pśedłoze boka głowowu smužku pśidaś, kótaraž ma rozdźělne nutśikowne a wenkowne kšomy boka. Aby toś to nastajenje na pśedłogu boka nałožył, wubjeŕśo Format – Pśedłoga boka…, klikniśo na rejtarik Bok a do wobceŕka Wugótowańske nastajenja a wubjeŕśo „Wótbłyšćowany“ w pólu Wugótowanje boka.

Móžośo na pśikład pśedłogi boka wužywaś, aby rozdźělne głowowe smužki za rowne a njerowne boki w dokumenśe definěrował.

1. Wócyńśo nowy tekstowy dokument.

2. Wubjeŕśo Naglěd – Formatowe pśedłogi a klikniśo na symbol Pśedłogi boka w bocnicy Pśedłogi.

3. Klikniśo z pšaweju tastu na „Pšawy bok“ w lisćinje pśedłogow boka a wubjeŕśo Změniś….

4. Klikniśo w dialogu Pśedłogi boka na rejtarik Głowowa smužka.

5. Wubjeŕśo Głowowu smužku zašaltowaś a klikniśo na rejtarik Powšykne.

6. Wubjeŕśo w pólu Pśiduca pśedłoga „Lěwy bok“.

7. Klikniśo na W pórěźe.

8. Klikniśo we woknje Pśedłogi z pšaweju tastu na „Lěwy bok“ w lisćinje pśedłogow boka a wubjeŕśo Změniś….

9. Klikniśo w dialogu Pśedłogi boka na rejtarik Głowowa smužka.

10. Wubjeŕśo Głowowu smužku zašaltowaś a klikniśo na rejtarik Zastojaś.

11. Wubjeŕśo „Pšawy bok“ w pólu Pśiduca pśedłoga.

12. Klikniśo na W pórěźe.

13. Klikniśo dwójcy na „Pšawy bok“ w lisćinje pśedłogow boka, aby pśedłogu na aktualny bok nałožył.

14. Zapódajśo tekst abo grafiku do głowoweje smužki za pśedłogu „Lěwy bok“. Za tym až sćo pśidał wašomu dokumentoju pśiducy bok, zapódajśo tekst abo grafiku do głowoweje smužki za pśedłogu „Pšawy bok“.