Z globalnymi dokumentami a póddokumentami źěłaś

Globalny dokument wam zmóžnja, wjelike dokumenty zastojaś, na páikład knigły z wjele kapitlami. Globalny dokument góźi se ako kontejner za jadnotliwe dataje LibreOffice Writer woglědowaś. Jadnotliwe dataje se póddokumenty gronje.

Globalny dokument napóraś

1. Pśewjeźćo jaden ze slědujucych kšacow:

• Wubjeŕśo Dataja – Nowy – Globalny dokument.

• Wócyńśo eksistěrujucy dokument a wubjeŕśo Dataja – Pósłaś – Globalny dokument napóraś.

2. Jolic nowy globalny dokument napórajośo, měł prědny zapisk w Nawigatorje zapisk Tekst byś. Zapódajśo rozpokazanje abo tšošku teksta. To zawěsćujo, až, za tym až sćo wobźěłał eksistěrujucu pśedłogu w globalnem dokumenśe, změnjonu pśedłogu wiźiśo, gaž se póddokumenty woglědujośo.

3. Klikniśo w Nawigatorje za globalne dokumenty na symbol Zasajźiś, źaržćo jen tłocony a pśewjeźćo jaden ze slědujucych kšacow:

• Aby eksistěrujucu dataju ako póddokumenty zasajźił, wubjeŕśo Dataja, pytajśo dataju, kótaruž cośo zasajźiś a klikniśo pón na Wócyniś.

• Aby nowy póddokument napórał, wubjeŕśo Nowy dokument, zapódajśo mě za dataju a klikniśo pón na Składowaś.

• Aby tekst mjazy póddokumentami zasajźił, wubjeŕśo Tekst. Zapódajśo pón tekst. Njamóžośo tekst pódla eksistěrujucego tekstowego zapiska w Nawigatorje zasajźiś.

4. Wubjeŕśo Dataja – Składowaś.

Globalny dokument wobźěłaś

Wužywajśo Nawigator, aby póddokumenty w globalnem dokumenśe pśerědował a wobźěłał.

• Aby póddokument za wobźěłanje wócynił, klikniśo dwójcy na mě póddokumenta w Nawigatorje.

• Aby póddokument z globalnego dokumenta wótwónoźeł, klikniśo z pšaweju tastu na póddokument w lisćinje Nawigatora a wubjeŕśi Lašowaś. Dataja póddokumenta se njewulašujo, jano zapisk w Nawigatorje se wulašujo.

• Aby globalnemu dokumentoju tekst pśidał, klikniśo z pšaweju tastu na zapisk w lisćinje Nawigatora a wubjeŕśo pón Zasajźiś – Tekst. Tekstowy wótrězk se pśed wubranym zapiskom w globalnem dokumenśe zasajźijo, źož móžośo póžedany tekst zapódaś. Njamóžośo tekst do eksistěrujucego tekstowego zapiska w Nawigatorje zasajźiś.

• Aby póddokumenty w globalnem dokumenśe pśerědował, śěgniśo póddokument do nowego městna w lisćinje Nawigatora. Móžośo teke póddokument w lisćinje wubraś, a klikniśo na symbol Dołoj abo Górjej.

• Aby zapis pśidał, na pśikład zapis wopśimjeśa, klikniśo z pšaweju tastu w lisćinje Nawigatora a wubjeŕśo pón Zasajźiś – Zapis.

Kuždy póddokument na nowem boku zachopiś

1. Zawěsććo, až se kuždy póddokument z nadpismom zachopina, kótarež samsku wótstawkowu pśedłogu wužywa, na pśikład „Nadpismo 1“.

2. Wubjeŕśo w globalnem dokumenśe Naglěd – Formatowe pśedłogi a klikniśo na symbol Wótstawkowe pśedłogi.

3. Klikniśo z pšaweju tastu na „Nadpismo 1“ a wubjeŕśo Změniś….

4. Klikniśo na rejtarik Tekstowy běg.

5. Wubjeŕśo we wobceŕku Łamanja Zasajźiś a pón „Bok“ z póla Typ.

6. Jolic cośo kuždy póddokument na njerownem boku zachopiś, wubjeŕśo Z pśedłogu boka a pón w pólu „Pšawy bok“.

7. Klikniśo na W pórěźe.

Globalny dokument eksportěrowaś

1. Wubjeŕśo Dataja – Eksportěrowaś….

2. Wubjeŕśo w lisćinje Dateityp datajowy format tekstowego dokumenta a klikniśo na Speichern. (nimski Windows Explorer)