Globalne dokumenty a póddokumenty

Globalny dokument wam zmóžnja, wjelike dokumenty zastojaś, na páikład knigły z wjele kapitlami. Globalny dokument góźi se ako kontejner za jadnotliwe dataje LibreOffice Writer woglědowaś. Jadnotliwe dataje se póddokumenty gronje.

Pśiznamjenja globalnych dokumentow

• Gaž globalny dokument śišćiśo, se wopśimjeśe wšych póddokumentow, zapise a zapódany tekst śišćaś.

• Móžośo zapis wopśimjeśa a gronidłowy zapis w globalnem dokumenśe za wšykne póddokumenty napóraś.

• Pśedłogi, kótarež se w póddokumentach wužywaju, na pśikład nowe wótstawkowe pśedłogi, se awtomatiski do globalnego dokumenta importěruju.

• Gaž se globalny dokument pokazujo, maju pśedłogi, kótarež su južo w globalnem dokumenśe, prioritu pśed pśedłogami ze samskim mjenim, kótarež su se importěrowali z póddokumentow.

• Póddokumenty se nigda pśez změny globalnego dokumenta njezměnja.

Pśikład za wužywanje pśedłogow

Globalny dokument master.odm se z teksta a zwězani z póddokumentoma sub1.odt a sub2.odt zestaja. W kuždem póddokumenśe se nowa wótstawkowa pśedłoga ze samskim mjenim Pśedłoga1 definěrujo a wužywa, a póddokumenty se składuju.

Gaž globalny dokument składujośo, se pśedłogi z póddokumentow do globalnego dokumenta importěruju. Nejpjerwjej se nowa pśedłoga Pśedłoga1 ze sub1.odt importěrujo. Pótom se nowe pśedłogi ze sub2.odt importěrujo, ale dokulaž Pśedłoga1 jo něnto južo w globalnem dokumenśe, se toś ta pśedłoga ze sub2.odt njeimportěrujo.

W globalnem dokumenśe wiźiśo něnto nowu pśedłogu Pśedłoga1 z prědnego póddokumenta. Wšykne wótstawki pśedłogi Pśedłoga1 w globalnem dokumenśe se z atributami pśedłogi Pśedłoga1 z prědnego póddokumenta pokazuju. Drugi póddokument sam pak se njezměnijo. Wiźiśo wótstawki pśedłogi Pśedłoga1 z drugego póddokumenta z drugimi atributami wótwisujucy wót togo, lěc dokument sub2.odt ako swójski dokument wócynjaśo abo ako źěl globalnego dokumenta.