Formowy list napóraś
Aby formowy list napórał, trjebaśo tekstowy dokument, kótaryž póla za adresowe daty a adresowu datowu banku wopśimujo. Pón kombiněrujośo abo zjadnośujośo adresowe daty a tekstowy dokument, aby pak listy śišćał pak je pśez e-mail pósłał.
Jolic dokument jo w formaśe HTML, se zasajźone abo wótkazane wobraze pśez e-mail njesćelu.
Asistent serijowego lista wam pomaga, formowe listy napóraś.
Formowy list napóraś
-
Wubjeŕśo Rědy – Asistent serijowego lista….
Dialog asistenta serijowego lista se pokazujo. Slědujuce jo pśikład za jadnu z wjele móžnosćow, aby boki asistenta nawigěrował:
-
Wubjeŕśo Z pśedłogu zachopiś a klikniśo na tłocašk Pśepytaś.
Wiźiśo dialog Nowy.
-
Wubjeŕśo Pśekupniska korespondenca w lěwej lisćinje a pón Moderny wobchodowy list w pšawej lisćinje. Klikniśo na W pórěźe, aby dialog Pśedłogi zacynił a pón na Dalej w asistenśe.
-
Wubjeŕśo List a klikniśo na Dalej.
-
Klikniśo w pśiducem kšacu asistenta na tłocašk Adresowu lisćinu wubraś…, aby pśeglědował, lěc pšawu adresowu lisćinu wužywaśo. Jolic cośo adresowy blok wužywaś, wubjeŕśo typ adresowego bloka, markěrujśo datowe póla, jolic trjeba, a klikniśo na Dalej.
-
Pśiducy kšac jo Gronjenje napóraś. Znjemóžniśo kontrolny kašćik Personalizěrowane gronjenje zasajźiś. Wubjeŕśo pód Powšykne gronjenje gronjenje, kótarež ma górjejce na wšych listach byś.
-
Jolic cośo póla serijowego lista něźi w dokumenśe placěrowaś, wubjeŕśo wótpowědny słup w swójom žrědle adresowych datow a śěgniśo a pušććo pón słupowu głowu do dokumenta, źož pólo ma byś. Wubjeŕśo ceły słup.
-
Klikniśo na Dalej a skóńcnje na Dokóńcyś, aby serijowy list napórał.