We Writer pytaś a wuměniś
W tekstowych dokumentach móžośo słowa, formatěrowanje a pśedłogi a wěcej pytaś. Móžośo wót jadnogo wuslědka do drugego nawigěrowaś, abo móžośo wšykne wuslědki naraz wuzwignuś, pón drugi format nałožyś abo słowa z drugim tekstom wuměniś.
Dialog „Pytaś a wuměniś“
Aby tekst w cełem dokumenśe pytał, wócyńśo dialog Pytaś a wuměniś bźez aktiwnego tekstowego wuběrka. Jolic cośo jano źěl swójogo dokumenta pytaś, wubjeŕśo nejpjerwjej ten źěl teksta a wócyńśo pón dialog Pytaś a wuměniś.
Tekst pytaś
-
Wubjeŕśo Wobźěłaś – Pytaś a wuměniś…, aby dialog „Pytaś a wuměniś“ wócynił.
-
Zapódajśo tekst, kótaryž se ma pytaś, do tekstowego póla Pytaś.
-
Klikniśo pak na Pśiducy pytaś pak na Wšykne pytaś.
Gaž na Pśiducy pytaś klikaśo, Writer wam pśiducy tekst pokažo, kótaryž wašomu zapiskoju wótpowědujo. Móžośo se tekst woglědaś a jen wobźěłaś a pón znowego na Pśiducy pytaś klikaśo, aby k pśiducemu namakanemu tekstoju póstupował.
Jolic sćo zacynił dialog, móžośo tastowu kombinaciju Strg+Umsch (⇧)+F tłocyś, aby pśiducy tekst namakał, bźez togo aby wy dialog wócynił.
Abo móžośo symbole dołojce napšawo w dokumenśe wužywaś, aby k pśiducemu tekstoju abo někakemu drugemu objektoju w dokumenśe nawigěrował.
Gaž na klikaśo, Writer wšen tekst wuběra, kótaryž wašomu zapiskoju wótpowědujo. Něnto móžośo na pśikład namakany tekst tucnje formatěrowaś abo jomu znamjenjowu pśedłogu naraz pśipokazaś.
Tekst wuměniś
Na rozdźěl wót pytanja teksta njedajo se wuměna teksta jano na aktualny wuběrk wobgranicowaś.
-
Wubjeŕśo Wobźěłaś – Pytaś a wuměniś…, aby dialog „Pytaś a wuměniś“ wócynił.
-
Zapódajśo tekst, kótaryž se ma pytaś, do tekstowego póla Pytaś.
-
Zapódajśoe tekst, kótaryž ma namakany tekst narownaś, do tekstowego póla Wuměniś z.
-
Klikniśo pak na Wuměniś pak na Wšykne wuměniś.
Gaž na Wuměniś klikaśo, Writer ceły dokument za tekstom w pólu Pytaś pśepytujo, zachopinajucy z aktualneju kursoroweju poziciju. Gaž se tekst namakajo, Writer tekst wuzwigujo a caka na wašu wótegrono. Klikniśo na Wuměniś, aby wuzwignjony tekst w dokumenśe z tekstom w tekstowem pólu Wuměniś wuměnił. Klikniśo na Pśiducy pytaś, aby k pśiducemu namakanemu tekstoju póstupował, bźez togo, aby aktualny wuběrk wuměnił.
Gaž na Wšykne wuměniś klikaśo, Writer wšen tekst wuměnja, kótaryž wašomu zapiskoju wótpowědujo.
Pśedłogi pytaś
Jolic cośo wšen tekst w swójom dokumenśe pytaś, kótaremuž jo wěsta wótstawkowa pśedłoga pśipokazana, na pśikład wótstawkowa pśedłoga „Nadpismo 2“.
-
Wubjeŕśo Wobźěłaś – Pytaś a wuměniś…, aby dialog „Pytaś a wuměniś“ wócynił.
-
Klikniśo na Dalšne nastajenja…, aby dialog rozšyrił.
-
Klikniśo do kontrolnego kašćika pśed .
Tekstowe pólo jo něnto lisćinowe pólo, źož móžośo někaku wótstawkowu pśedłogu wubraś, kótaraž se ma w aktualnem dokumenśe nałožyś. -
Wubjeŕśo pśedłogu, za kótarejuž cośo pytaś a klikniśo pón na Pśiducy pytaś abo Wšykne pytaś.
Formaty pytaś
Jolic cośo wšen tekst w swójom dokumenśe pytaś, kótaremuž wěste direktne znamjenjowe formatěrowane jo pśipokazane.
Gaž formaty pytaśo, se jano direktne znamjenjowe atributy namakaju, njenamakajo atributy, kótarež su źěl někakeje pśedłogi.
-
Wubjeŕśo Wobźěłaś – Pytaś a wuměniś…, aby dialog „Pytaś a wuměniś“ wócynił.
-
Klikniśo na Dalšne nastajenja, aby dialog rozšyrił.
-
Klikniśo na tłocašk Format.
-
Klikniśo na Pśiducy pytaś abo na Wšykne pytaś.
Dalšne nastajenja
Pytanje za pódobnosćami móžo tekst namakaś, kótaryž jo wašomu pytańskemu tekstoju pódobny. Móžośo licbu znamuškow nastajiś, kótarež směju se wótchyliś.
Stajśo kokulku do kontrolnego kašćika Pytanje za pódobnosćami a klikniśo na žycenje na tłocašk Pódobnosći…, aby nastajenja změnił. (Za wšykne tśi nastajenja se za dolnoserbski tekst gódnota 2 góźi.)
Gaž sćo zmóžnił pódpěru za aziske rěcy pód LibreOffice – NastajenjaRědy – Nastajenja… – Rěcy a narodne šemy – Powšykne, dialog Pytaś a wuměniś nastajenja bitujo, z kótarymiž móžośo aziski tekst pśepytaś.
Nawigator
Nawigator jo głowny rěd za pytanje a wuběranje objektow. Móžośo teke Nawigator wužywść, aby kapitle pśesunuł a pozicioněrował a swójomu dokumentoju rozrědowański naglěd pśipokazał.
Wubjeŕśo Naglěd – Nawigator, aby wokno Nawigatora wócynił.
Wužywajśo Nawigator, aby objekty, wótkaze a póśěgi w samskem dokumenśe abo z drugich wócynjonych dokumentow zasajźił. Glejśo rozpokazanje Nawigator za dalšne informacije.
Klikniśo na symbol z módrym krejzom dołojce napšawo w swójom dokumenśe, aby małe wokno Nawigacija wócynił.
Wužywajśo małe wokno Nawigacija, aby malsnje k pśiducemu objektoju skócył abo pśiducy tekst w swójom dokumenśe pytał.