Wužywaŕske daty w pólach abo wuměnjenjach wótpšašowaś

Z wuměnjenjow abo pólow maśo pśistup k wěstym wužywaŕskim datam a móžośo je pśirownaś. Móžośo wužywaŕske daty ze slědujucymi operatorami pśirownaś:

Operator	Wóznam
== abo EQ	jadnak
!= abo NEQ	njejo jadnak

Jolic cośo, móžośo wuměnjenje wužywaś, aby wěsty tekst w swójom dokumenśe pśed wěstym wužywarjom schowaś.

1. Wubjeŕśo tekst w dokumenśe, kótaryž cośo schowaś.

2. Wubjeŕśo Zasajźiś – Wótrězk….

3. Wubjeŕśo we wobceŕku Schowaś kontrolny kašćik Schowaś.

4. Zapódajśo w pólu Z wuměnjenim user_lastname == "Šołta", źož "Šołta" jo familijowe mě wužywarja, pśed kótarymž cośo tekst schowaś.

5. Klikniśo na Zasajźiś a składujśo pón dokument.

Slědujuca tabela jo lisćina wužywaŕskich wariablow, ku kótaremuž maśo pśistup, gaž wuměnjenje abo pólo definěrujośo:

Wužywaŕske wariable	Wóznam
user_firstname	Pśedmě
user_lastname	Familijowe mě
user_initials	Iniciale
user_company	Pśedewześe
user_street	Droga
user_country	Kraj
user_zipcode	Postowa licba
user_city	Město
user_title	Titel
user_position	Pozicija
user_tel_work	Słužbny telefonowy numer
user_tel_home	Priwatny telefonowy numer
user_fax	Faksowy numer
user_email	E-mailowa adresa
user_state	Zwězkowy kraj